Death Stranding do të vijë në PC verën e ardhshme

Duket se Death Stranding nuk do të jetë ekskluzive për PS4

Eshtë zyrtare, Death Stranding do të vijë në PC. Në një tweet nga Kojma Productions, që konfirmonte datën e lançimit të 8 nëntorit për PS4, studioja gjithashtu zbuloi se loja do të vinte për PC në verën e vitit të ardhshëm.

Postimi, të cilin mund ta shikoni më poshtë, nuk zbulon detaje të mëtejshme për lançimin në PC, por gjithsesi kjo nuk do e ndalojë vrullin e lojtarëve që do të duan t’i drejtohen lojës, kur ajo të vijë në platformën e tyre. Deri më tani dukej se loja do të ishte ekskluzive për PlayStation 4, por tani edhe lojtarët e PC do të mund të shijojnë kryevepren e Kojimës.

Përgjatë këtij viti ka patur thashetheme që sugjeronin se Death Stranding do të vinte në PC dhe tani mund të themi që burimet e informacionit ishin të sakta. Një datë fikse lançimi në PC nuk është bërë publike, por sipas Kojima Productions, Death Stranding pritet të vijë nga fillimi i verës së vitit të ardhshëm.

Me lançimin për PlayStation 4 që është kaq pranë, më në fund do të krijojmë një ide më të mirë se çfarë duhet të presim nga loja. Gjithsesi, si një krijim i Kojima Productions, mund të themi se pritshmëritë janë të larta. Dhe diçka që Hideo Kojima nuk di të bëjë është të zhgënjejë.

Death Stranding do të lançohet në 8 nëntor për PS4 dhe në verën e 2020s për PC.