Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Konsolat e gjeneratës së ardhshme PlayStation 5 dhe Xbox Series X mund të vonohen deri në 2021 për shkak të përhapjes së vazhdueshme të Coronavirus në Kinë. Kjo sipas një raportimi të ri nga Business Insider.
Me PlayStation 5 dhe Xbox Series X të programuara të dyja për një lançim në fundvitin e 2020ës, Coronavirus mund të ndikojë negativisht në prodhimin e konsolave. Kina është vendi ku bëhen shumica e paisjeve elektronike në botë dhe në të njejtën kohë rastet e Coronavirus së fundmi dokumentohen të jenë gjithmonë e në rritje.
Sipas raportimit, një njoftim i ardhur nga Jefferies Group, një bankë e madhe investimesh dhe shërbimesh financiare, ka paralajmëruar se nëse kompanitë e prodhimit mbyllen për një periudhë të gjatë kohore, kjo mund të sjellë vonesë në datat e parashikuara të lançimeve.
Njoftimi thotë: “Sektori i videlojërave është momentalisht në prodhim e sipër, prej ndryshimit të gjeneratës së konsolave në 2020ën. Nëse mbylljet e kompanive kalojnë një muaj ose më shumë, do të kemi vonesa. Kjo do të aplikojë edhe për konsolat.”
Çfarë e bën këtë lajm edhe më shqetësues është se sado që lojërat zhvillohen në Europë, Amerikën e Veriut dhe Japoni, 100% e prodhimit të tyre bëhet në Kinë.
Moslançimi i PS5 dhe Xbox Series X në fund të vitit siç është parashikuar, mund të ndikojë edhe në shitjet e tyre, duke qenë se kjo është pikërisht periudha më e suksesshme sezonale. Kjo gjë është vërtetuar edhe më parë nga konsolat e gjeneratave të tjera. Nëse Sony dhe Microsoft detyrohen ta ndryshojnë periudhën e lançimit, nuk mund të mos pyesim veten se kur do ta shohin të përshtatshme ti sjellin ato.
Deri më tani Coronavirus ka ndikuar në mënyrë radikale industrinë e esports. Edhe Overwatch Legaue dhe League of Legends Pro League, kanë anulluar eventet e tyre në Kinë. Ka patur pesë evente të anulluara nga ana e Blizzard deri më tani.
Në fund të ditës kini parasysh se asgjë nuk është zyrtare derisa të marrim një konfirmim nga ana e Sony ose Microsoft. Gjithsesi ne do ju mbajmë të informuar për çdo të re.
