Sipas një leak-u, Class Passives do të vijnë në Apex Legends

Tashmë klasat nuk do të jenë të parëndësishme

Aftësi dhe pasive të reja mund të vijnë për 12 personazhet e Apex Legends në Season 4, pasi një dataminer zbuloi se Respawn po teston këto ndryshime.

Deri më tani në Apex Legends, klasat e çdo personazhi kanë qënë thuajse të parëndësishme. Ato janë një mënyrë e mirë për të kuptuar se çfarë bën çdo personazh pak a shumë, por vetëm aq. Sipas informacionit të ri të zbuluar në kodin e battle royale, kjo pritet të ndryshojë në të ardhmen.

Secila prej katër klasave, Offensive, Defensive, Support dhe Recon, do të ketë aftësi të reja në formën e pasiveve, të cilat do të ndryshojnë në varësi të rolit të personazhit në battle royale. Ndryshimi më interesant pritet të jetë për të vetmin Support në battle royale, Lifeline.

Pasi Blue Bins u shfaqën në trailer-in e Season 4, por nuk erdhën në Apex Legends, duket se personazhet Support do të mund të gjejnë më shumë sende brenda tyre. Thuhet se Loba, legjenda e re që pritet të vijë gjithashtu mund të jetë një personazh Support, gjë që do t’i jepte asaj mundësinë të hapte Blue Bins.

Për sa i përket personazheve Recon si Bloodhound, Crypto dhe Pathfinder, ata do të kenë mundësinë të skanojnë Survey Beacons për të parë se ku do të jetë rrethi i rradhës. Kjo mund të bëjë që pasivja e Pathfinder gjithashtu të ndryshojë.

Personazhet Defensive si Gibraltar, Caustic dhe Wattson mund kthejnë plotësisht mburojat e shokëve të ngjallur. Kjo do të bënte që gold backpacks të bëheshin rework sërish, por ende mbetet për t’u parë.

Për sa i përket personazheve Offensive, Bangalore, Wraith, Mirage, Octane dhe Revenant, thuhet se ata do të kenë dy vende të veçanta në inventory për granata, gjë e cila padyshim që do të mirëpritej nga lojtarët pas update-it të fundit.

Nuk dihet ende se kur do të vijnë këto ndryshime ose nëse ato janë të vërteta, prandaj do të na duhet të presim ende për një konfirmim zyrtar.