Call of Duty: Warzone do të vijë në mobile

Activision planifikon të sjell në mobile Call of Duty: Warzone

Mesa duket battle royale më i suksesshëm i Activison, Call of Duty: Warzone pritet të vijë së shpejti në mobile. Kjo gjë u zbulua nga disa njoftime për punë nga vetë Activision për një seri të re të lojërave mobile të quajtur WZM që me shumë mundësi mund të jetë një codename për Warzone Mobile.

Në njoftimin për punë nga Activision mund të shohim shumë nga pikat kyçe për ketë detyrë është përshtatja në mobile e veçorive kryesore që Warzone ka në PC dhe konsola. Kjo na lë të dyshojmë se loja e re mobile do të ketë lidhje me Warzone i cili ndodhet tashmë në PC dhe konsola. Gjithashtu ky njoftim na jep një ide të përgjithshme se si loja do të jetë.

Ajo çfarë na çudit më shumë është se seria e Call of Duty e ka një lojë battle royale mobile  e cila është Call of Duty Mobile. Loja është falas në App Store dhe Play Store dhe që prej lançimit në tetor të 2019 ka patur një sukses masiv. Edhe pse Activision e ka një lojë mobile, ky projekt mund të jetë i veçantë nga loja aktuale në mobile. Ndoshta nëse Warzone Mobile fiton popullaritet, Call of Duty mund të përfundoj me dy lojëra mobile të ndryshme.

Akoma nuk janë të qarta planet e Activision por shumë besojnë se Activision po ndjek të njëjtën skemë siç Epic Games bëri me Fortnite. Ardhja në mobile e Fortnite me cross-platform që iu lejonte lojtarëve të luanin me lojtarët e tjerë në PC ose konsole ishte një nga arritjet më të mëdha të Fortnite dhe mund të themi të të gjithave lojërave të tjera battle royale. Tashmë do të na duhet të presim dhe të shohim se çfarë planesh ka Activision dhe a do të jetë i aftë të kopjoj të njëjtin sukses si Epic Games.