Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas Blizzard, historia e Diablo 4 në PS4, Xbox One dhe PC do të jetë relativisht ambicioze. Në fakt, zhvilluesi e krahasoi atë me me kapitullin e parë të një libri dhe deklaroi se seritë do të tregojnë një histori madhore që Blizzard ka në mendje ta vazhdojë për një kohë të gjatë. Me fjalë të tjera, mund të prisni që Blizzard të japë gjithmonë e më shumë te historia, teksa seritë e Diablo vazhdojnë dhe sjellin më shumë personazhe.
“Diablo IV është si kapitulli i parë i një libri,” tha drejtori artistik John Mueller në një intervistë. “Duam të themi një histori të gjatë dhe shpresojmë që ta themi edhe për një kohë të gjatë. Duke e trajtuar këtë si kapitullin e parë të librit dhe Lilith si një personazh kyç të historisë, është gjë e mirë. Është gjë e mirë sepse e dimë që ka ende shumë personazhe të tjera që mund të kthehen në të ardhmen. Ose personazhe të reja që nuk i kemi parë më parë.”
Sigurisht që seritë e Diablo nuk janë fort të njohura për historinë e tyre, pra mos prisni që loja të marr ndonjë çmim për narrativën e saj në të ardhmen. Gjithsesi, duket se Blizzard do t’ja u shpërblejë fansave që kanë qëndruar besnikë me instalimet e lojës, duke ju dhënë një histori që shpaloset më shumë me kalimin e kohës.
Diablo 4 është në zhvillim e sipër për PS4, Xbox One dhe PC. Momentalisht ende nuk ka asnjë lajm nëse loja do të vijë në platforma të tjera, por me shumë gjasa deri kur të lançohet zyrtarisht, do të përshtatet edhe për konsolat e gjeneratës së ardhshme.
