B.R.U.T.E kanë marrë një super nerf në Fortnite

Epic më në fund ka vendosur që të ulë fuqinë e B.R.U.T.E në Fortnite.

Season X i Fortnite solli mechs në lojë në formën e  B.R.U.T.E., kur erdhi muajin e shkuar. Që nga ajo pikë lojtarët kanë shprehur shqetësimet dhe në një pjesë të mirë edhe inatin e tyre rreth dominancës që këta kishin në lojë.

Epic Games më parë njoftoi se  B.R.U.T.E. do të merrnin një nerf të vogël, duke ju shtuar atyre një lazer dhe paralajmërime zanore dhe vizuale për lojtarët që sulmoheshin. Gjithsesi pasi pakënaqësitë e lojtarëve vazhduan, duket se këtë rradhë Epic ju ka dhënë një nerf të hajrit.

Në një post në website-in e tij të quajtur “B.R.U.T.E. Balance Adjustments”, Epic zbuloi se i ka bërë disa ndryshime mechs-ave dhe se shumica e këtyre ndryshimeve tashmë janë live në lojë. Këto të fundit përfshijnë sa damage shkaktojnë me raketat, sa shpesh bëjnë spawn dhe disa aspekte të tjera si dashing, boosting etj.

Ritmi i qëllimit të raketave të B.R.U.T.E. është ulur me 56% dhe numri i raketave që mund të lëshojë njëheresh është ulur në gjashtë nga dhjetë që ishte. Epic thotë se qëllimi i këtyre ndryshimeve është që të krijojë një përballje më të drejtë mes B.R.U.T.E. dhe lojtarëve që ata po përballen, duke ju dhënë më shumë kohë atyre që sulmohen nga B.R.U.T.E. për të reaguar.

Ndryshime të tjera përfshijnë sa shpesh do të bëjnë spawn B.R.U.T.E. për fazat 1,2,3 të storm dhe një përqindje që do të krahasojë ndryshimin e spawn rate-it për çdo fazë.

Duhet shtuar se nëse më parë kishte një numër minimal të B.R.U.T.E. që do të shfaqeshin në fazat e hershme të lojës, tani ky numër do të jetë pak më i ulët. Gjithsesi Epic thotë se spawn rates për Arena mode nuk do të ndikohen nga këto ndryshime.

Një ndryshim i fundit që Epic i ka bërë B.R.U.T.E, që në këtë rast i ndihmon pak është se health-i i tyre është rritur nga 1000 në 1250. Epic shprehet se “me ndryshimet e mësipërme, përdoruesit e B.R.U.T.E. do të duhet ta luajnë lojën më strategjikisht se më parë.”