Anthem do të ketë ‘matchmaking’ për çdo aktivitet në lojë

Skeni asnjë shok në lojë? Pa problem.

Prodhuesi i Anthem, Ben Irving ka konfirmuar se shooter-i i BioWare do të mundësojë ‘matchmaking’ për çdo aktivitet tuajin. Ndryshe nga Destiny ose MMO e tjera që limitojnë sfidat më të mëdhaja në grupe të paracaktuara.

Irvin sqaroi se lojtarët edhe mund ta shmangin këtë tipar. Pra nuk do të keni nevojë për të trajtuar gjithçka si grup, por për gjërat më të vështira ju ndoshta dëshironi të sillni disa miq së bashku me ju në lojë.

Kjo është një gjë shumë e mirë për disa njerëz, që mund ta shohin ritualin e të qëndruarit verdallë në kërkim të një grupi si stresues. Ben Irving i ka dhënë përgjigje edhe disa pyetjeve në Twitter teksa lançimi i Anthem afrohet. Presim 22 shkurtin për ta parë çdo gjë më nga afër.