Among Us kap rreth 60 milionë përdorues aktivë çdo ditë, shumica në mobile

Një nga zhvilluesit e Among Us zbuloi disa të dhëna shumë interesante që tregonin realisht shkallën e madhe të rritjes së popullaritetit të lojës përgjatë muajve të shkuar.

Forest Willard, një nga tre njerëzit që krijuan lojën në 2018n, zbuloi një imazh që tregon se sa shpejt është rritur numri i përdoruesve të lojës dhe se në cilën platformë janë duke luajtur ata përdorues.

Grafiku fillon nga mesi i gushtit, duke treguar një ngritje drastike deri në javën që jemi tani në shtator. Tre ngjyrat janë tre platforma të ndryshme: bluja për iOS, e gjelbra për Windows dhe lejlaja për Android.

Siç vihet re edhe nga grafiku, shumica e lojtarëve janë në paisjet mobile, me pjesën më të mirë të tyre që luajnë në paisjet Android. Fragmenti i vogël jeshil i grafikut i korrespondon lojtarëve të PC.

Në Steam, Among Us ka kapur një maksimum prej 388,000 lojtarësh, një shifër kjo më e lartë se thuajse çdo lojë e platformës përveç CS:GP, Dota 2 dhe PUBG. Loja shpërtheu në popullaritet gjatë verës, kryesisht falë content creators në Twitch dhe YouTube.

Willard dhe zhvilluesit e tjerë te Innersloth së fundmi njoftuan se plani për vazhdimin e Among Us është anulluar. Ekipi do të punojë në të përmirësuarin e lojës origjinale.