Sony zbulon skine të reja për PS5 dhe DualSense

Skinet me ngjyra për PlayStation 5 do të lançohen në fillim të vitit të ardhshëm së bashku me tre ngjyra të reja për controllerin DualSense, njoftoi Sony. Nova Pink, Starlight Blue dhe Galactic Purple janë emrat e ngjyrave të reja për ofertat e PS5, duke u bashkuar me ngjyrat tashmë ekzistuese Midnight Black, Cosmic Red dhe të bardhën normale.

Sony thotë se skinet e konsolës do të lançohen në janar 2022 tek shitësit pjesëmarrës. Koverat shtohen duke hequr ato origjinale të konsolës së bardhë PS5 dhe zëvendësohen mjaft lehtë duke stakuar të rejat tuaja në vend”.

Më konkretisht, skinet e zeza dhe të kuqe do të jenë të disponueshme në janar të 2022 ndërsa skinet Nova Pink, Galactic Purple dhe Starlight Blue do të lançohen në rajone të caktuara “gjatë gjysmës së parë të 2022”. Si PS5 me diskun blu-ray ashtu edhe versioni PS5 Digital Edition pa drive do të kenë kapakët e tyre të reja.

Controllers DualSense janë vendosur të dalin në janar në PlayStation Direct, por do të vihen në dispozicion përmes shitësve të tjerë më 11 shkurt. Jashtë skemës së ngjyrave, controlleri është i njëjti me DualSense të bardhë.

DualSense do të shiten me pakicë për 74,99 dollarë, ndërsa kapakët e konsolës kushtojnë 54,99 dollarë. Të dyja mund të porositen në faqen zyrtare të PlayStation.