Sa herë që Genshin lëshon një karakter të ri fiton $12 milion brenda ditës

Genshin Impact është loja që ka arritur më shpejt $1 miliard të ardhura dhe personazhet e saj janë arsyeja.

Personazhet e Genshin Impact janë në qendër të gjithçkaje. Të rinjt lançohen çdo muaj dhe secili prej tyre ka aftësi unike që mund t’ju ndihmojnë kur eksploroni open-world të Teyvat ose kur merrni përsipër disa nga sfidat më të vështira.

Genshin Impact i ngjan pak Pokemon – vetëm se në vend që të mbledhësh krijesa të lezetshme, po ndërton një ekip të heronjsh. Ato gjithashtu janë mënyra se si loja bën shuma qesharake parash. Bazuar në analizën e Sensor Tower, çdo herë që një karakter shtohet, lojtarët kolektivisht harxhojnë mbi $12 milion në ditën e parë vetëm për të provuar fatin.   

Themi “provuar” sepse Genshin është një lojë gacha që ju shpërblen me personazhe të reja vetëm në lootbox me kohë të kufizuar. Shanset nuk janë në favorin tuaj: ju keni vetëm një shans prej 0.6% të merrni një nga personazhet ultra rare me pesë yje. Primogems janë të lehta për tu fituar vetëm duke luajtur dhe lootboxes janë shumë të lira. Pavarësisht, kjo nuk i ndalon lojtarët të harxhojnë paratë e tyre. 

Loja ka bërë tashmë mbi $1 miliard në vetëm 6 muaj – madje pa përfshirë të ardhurat nga versionet e saja në PC dhe konsolë. Kjo e bën Genshin Impact lojën me rritjen më të shpejtë ndonjëherë. Për krahasim, versionit mobile të Fortnite iu deshën 2 vjet për të arritur atë vlerë. 

Mesatarisht, loja bën rreth $5.8 milion në ditë, por sa herë që shtohet një karakter i ri që të ardhurat rriten deri në një mesatare prej $12 milion. Dhe përsëri, kjo është vetëm për mobile.  

Është e pabesueshme të shohësh se sa të ardhura krijojnë personazhet e Genshin Impact, por gjithashtu nuk jemi të befasuar që ajo po ecën kaq mirë. MiHoYo ka lëshuar update-e dhe evente në mënyrë të qëndrueshme që nga viti i kaluar, të cilat e kanë bërë RPG-n e shkëlqyer akoma më mirë.