Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Le të shpresojmë që problemet me frame rate të mbeten në të shkuarën
Remedy ka parashtruar planet që ka për update-et e ardhshme të Control, duke na detajuar se me çfarë po punon për momentin dhe kur mund të presim të dëgjojmë më shumë mbi kontentin e ri që do të vijë në lojë. Përmirësimi i performacës së Control në konsola është gjëja e parë në listë.
Control e ka marrë verdiktin e kritikës që kur u lançua javën e shkuar, por nëse ka një gjë që nuk shkon me lojën, janë problemet fatkeqe me performancën që i vijnë në konsolat Xbox One dhe PlayStation 4.
Sipas një analizimi që i është bërë së fundmi, frame rate-i është një nga problemet kryesore, që ndikon shumë në skenat e aksionit të lojës. Control duhet të ketë 30 fps në konsola, por raportimi thotë se mund të bjerë në 10 s në Xbox One dhe PS4 ndonjëherë.
Performaca e lojës është më e mirë në Xbox One X dhe PS4 Pro, por edhe në këto konsola më të përparuara, problemet e performacës nuk mungojnë. Nëse jeni të kufizuar për ta luajtur Control vetëm në konsola do sugjeronim që të prisnit për një patch.
Për fat të mirë një update i ri është duke ardhur. Studioja është shprehur se është duke punuar me optimizimin e performancës së Control në konsola, por në të njejtën kohë ka thënë se këto gjëra, sado mund të duam, nuk bëhen me të shtypurin e një butoni, por kanë goxha punë.
Update-i i ri i lojës pritet të vijë nga fundi i shtatorit dhe sipas Remedy do të sjellë ndryshime të mëdha për konsola dhe do të përmirësojë edhe mënyrën se si harta në lojë bën load, pasi momentalisht nuk po punon në mënyrën e duhur.
Fatkeqësisht HDR support nuk do të vijë në lojë. Ky vendim është marrë prej resurseve të limituara që kanë zhvilluesit. Përsa i përket kontentit të ri pastaj, Remedy ka dashur të sqarojë që ky është vetëm fillimi për lojën dhe se me kalimin e kohës do të vijnë shumë gjëra të reja.
Control është momentalisht me ulje në PS4 dhe Xbox One për $10. Loja është ende e re, por nga shumë kritika është cilësuar si diçka që realisht ja vlen dhe të mbetet në mendje për shumë kohë pasi e ke luajtur. Nëse jeni të dhënë pas kësaj ideje, pse të mos i jepni një mundësi.
