Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një raport ka zbuluar se konsolat e PlayStation 5 do të jenë në mungesë në treg nga ndikimi i pandemisë brenda këtij viti, dhe vetë Sony ka lëshuar një deklaratë mbi situatën.
Një grup analistësh të Sony Group Corp paralajmruan që PlayStation 5 do të mbetet në furnizim të pakët deri në vitin 2022, duke sugjeruar që kompania do të jetë e kufizuar në aftësinë e saj për të rritur objektivat e shitjeve për konsolën e saj të fundit të lojërave.
Konglomerati Japonez ka raportuar rezultatet financiare në fund të Prillit, duke thënë se kishte shitur 7.8 milion njësi të konsolës deri më 31 Mars dhe synon të shesë të paktën 14.8 milion njësi në vitin aktual fiskal. Kjo do ta mbante në të njëjtin ritëm shitjesh me PlayStation 4, i cili ka shitur më shumë se 115.9 milion njësi deri më tani.
Në një konferencë pas këtyre rezultateve, Sony u tha analistëve se është sfiduese të vazhdosh me kërkesën e lartë. PS5 ka qenë e vështirë për t’u gjetur në magazinë që nga dalja e tij në nëntor, pjesërisht për shkak të mungesave në pjesëve si gjysmëpërçuesit dhe kompania nuk ka dhënë një vlerësim zyrtar për kohën kur pritet që furnizimi të normalizohet.
“Unë nuk mendoj se kërkesa po ulet për këtë vit dhe edhe nëse sigurojmë shumë më shumë pajisje dhe prodhojmë shumë më shumë njësi të PlayStation 5 vitin e ardhshëm, furnizimi ynë nuk do të jetë në gjendje të arrijë kërkesën,” tha në konferencë Hiroki Totoki zëdhënësi kryesor financiar.
Sony tha se do të blinte përsëri deri në 200 miliardë jen afërsisht, 1.8 miliardë dollarë të aksioneve të saj pasi fitimet për tremujorin e marsit që nuk arritën vlerësimet e analistëve. Parashikohet që fitimi operativ do të rrëshqasë rreth 4% në vitin aktual fiskal, por analistët kanë vlerësuar se kompania mund të tejkalojë parashikimin konservator me ndihmën e kërkesës së fortë për konzolën dhe lojërat e reja.
Aksionet kanë rënë rreth 8% që nga raporti i fitimeve më 28 Prill, pasi u rritën me 75% krahasuar me vitin e kaluar. Totoki u tha analistëve se Sony duhet të rrisë prodhimin sa më shpejt të jetë e mundur dhe të sigurohet që ka konzola në dyqanet e lojërave. Kërkesa do të mbetet e lartë pavarësisht nga situata e Covid-19.
“Ne kemi shitur më shumë se 100 milion njësi të PlayStation 4 dhe duke marrë parasysh pjesën e tregut dhe reputacionin, nuk mund ta imagjinoj që kërkesa të bjerë”, tha ai.
Kundërshtari i tyre Nintendo paralajmëroi javën e kaluar se mungesat e përbërësve mund të ndikojnë në prodhimin. Zyrtarisht synon shitjet e 25.5 milion konzolave deri në Mars 2022, pak më pak se një vit më parë. Bloomberg News ka raportuar se Nintendo po punon për prodhimin e 28 dhe 29 milion konzolave.
