Zbulohen pamjet e para të gameplay nga Teamfight Tactics Mobile

Autobattler-i i Riot pritet të vijë në mobile në mars

Kemi kohë që e dimë se Teamfight Tactics do të vinte në mobile në mars, por përveç kësaj, nuk kishte shumë informacion se si loja do të funksiononte në smartphone.

Padyshim që esenca e lojës do të punonte fare mirë në mobile, por lojtarët nuk ishin të sigurt se si Riot do të implementonte veçori si chat-in në lojë, dyqanin e kampionëve etj. Mesa duket, disa lojtarë me fat do të mund të testojnë lojën në fazën beta përpara lançimit të saj.

Riot zbuloi në një postim se si loja do të dukej dhe do të ndihej në mobile. Në përgjithësi, ajo duket njësoj si versioni në PC. Imazhet e para konfirmojnë se client-i i lojës do të suportojë lobbies, miq dhe ftesa, si dhe një sistem ranked dhe një pass. Riot tha se do të shtojë edhe më shumë me kalimin e kohës, por këto do të vijnë vetëm me lançimin. Chat-i i lojës nuk do të vijë ende, por ata mund ta rikthejnë atë në të ardhmen. Një ndryshim i madh është ndryshimi i menuve për t’i bërë ato më të përshtatshme për lojtarët në mobile.

Diçka për të cilën ata duhet të siguroheshin se do të funksiononte mirë ishte ekrani ku blihen kampionat në lojë. Në vend që të jetë gjithmonë i hapur, lojtarët duhet ta hapin vetë atë. Nuk është opsioni më i mirë, por është diçka që duhet të bërë për ta mbajtur ekranin e lojës sa më të pastër në një hapësirë të vogël.

Dyqani do të hapet automatikisht në fillim të çdo raundi, duke u shfaqur në pjesën e sipërme të ekranit, duke iu dhënë ju mundësi të lëvizni kampionët dhe njëherësh të shikoni çdo gjë që ndodh në lojë.

Nuk duket shumë e komplikuar, por do të jetë interesante të shohim se si lojtarët në mobile do të konkurrojnë ndaj atyre në PC në momente si karuseli, por edhe në fund të ndeshjeve ku ka ndryshime të shpejta.

Përtej këtyre ndryshimeve, duket se TFT do të jetë thuajse njësoj në mobile dhe në PC, gjë që është një lajm fantastik për fansat.