Fituesit dhe humbësat e E3 2018.

Tani që shfaqja më e madhe e lojërave të vitit ka mbaruar, është koha për të shënuar rezultatet.

Game over: E3 2018 ka mbaruar zyrtarisht, dhe ne nuk kemi më jetë ekstra.

Ne do të iu tregojmë për gjithë lojërat të cilat spikatën dhe ato prej të cilave, sinqerisht prisnim më shumë. Gjatë konferencës ky artikull ishte i pamundur, por tani që kemi pasur mundësi për t’i “përtypur” lajmet e  marra, lojtarët e GameON-it kanë peshuar  anet pozitive dhe negative të shfaqjes.

Fituesit

Super Smash Bros. Ultimate

Në rast se nuk mund të kuptohet ende, Smash Bros Ultimate i arriti të gjitha pritshmëritë të cilat fansat kishin për të. Sigurisht, ju mund të thoni se duke shtuar çdo gjë nga çdo lojë Smash në një lojë të vetme nuk është qasja më frymëzuese, por është Smash. Në Switch. Me të paktën 65 karaktere dhe 75 faza. Çfarë ka për tu mos u dashuruar?!

Cyberpunk 2077 “vodhi” shfaqjen… dhe zemrën tonë.

Ne na pëlqeu The Witcher 3 dhe kemi qenë prej kohësh të prirur për të parë se si CD Projekt Red do të përshtatej nga shpata dhe magjia në aestetikën e Cyberpunk. Cyberpunk 2077 e shfaqur në konferencën e Microsoft, duke filluar nga nga kolona zanore, e deri tek  ngjyrat e guximshme,  ishte thjesht magjepsës. Jemi gati te mirëpresim të njëjtën cilësi të lartë si tek The Witcher 3, por kësaj rradhe në një lojë me elemente fantashkencë, në një botë të ndërtuar nga mjeshtrat e zanateve të tyre. Mezi presim për këtë lojë.

Star Fox na jep një arsye për të blerë StarLink.

Ok, Starlink gjithmonë dukej i mirë, por nëse do të ishit në kërkim për një lojë tjetër “toys-to-life”, prezantimi surprizë i Star Fox në lojë, ekskluzivisht për Nintendo Switch mund të kishte qenë pikërisht ajo që ju duhej  dhe në fakt, kjo lojë, ishte gjithashtu një nga momentet e para të befasishme të shfaqjes.

Elder Scrolls: Blades ju lejon të luani me një dorë.

Në një mënyrë ose në një tjetër, Bethesda na detyroi të bëjmë një gjë që nuk do ta bënim kurrë. Të na interesonte një lojë Elder Scrolls. Jo vetëm që Elder Scrolls Blades vjen për iPhone dhe Android më vonë gjatë këtij viti, por është projektuar nga toka për të përfshirë një modalitet portreti që do t’ju lejojë të luani në lojë vertikalisht, me vetëm një dorë. Dorën tjetër e keni të lirë për gjëra të tjera. Ndihuni te lirë për të zgjedhur atë që ju doni të bëni me dorën tuaj të lirë.

Kthehet Trials!

Para E3 ishim duke shpresuar në heshtje për tre gjëra: Një Skate i ri, një vazhdim i Bloodborne dhe një lojë të re Trials. Ne nuk e kemi Skate (edhe pse Session duket goxha cool), ne nuk e kemi marrë Bloodborne 2 (por Sekiro: Shadows Die Twice mund të jetë edhe më i mirë!)

Trials Rising duket si çdo gjë që ne po shpresonim. Kjo seri është një nga të preferuarat tona të të gjitha kohërave. Shpallja e kësaj loje ishte një moment i vërtet fantastik për ne.

Anthem më në fund zbulon se si të bëjë jetpacks si duhet.

Të fluturosh një anije kozmike ose edhe një aeroplan në një video lojë është diçka që ne kemi patur mjaft mirë vizualisht që nga ditët e 8-bit. Ajo rezulton të jetë shumë e vështirë për të kaluar lehtë nga kontrollimi i një avatar që po vrapon në tokë, tek njëri që fluturon në ajër.

Dark-Void (2010) e Capcom-it është një shembull i shkëlqyer se sa e vështirë mund të jetë kjo. Anthem, nga Bioware, e bën atë më mirë se çdo lojë që kemi parë, në sajë të testimit të gjerë dhe editimit. Këtu është çelësi i vërtetë: mënyra të thjeshta por të ndara për të fluturuar, dhe një lëvizje e thjeshtë për tu kthyer në tokë.

Sega <3 PC

Ne e dimë që nuk duhet të jemi aq të ngazëllyer për një remake të një loje 12-vjeçare që doli në PS2, por dreqi e marrtë Yakuza po vjen në PC, do të thotë që më në fund mund ta prezantojmë serinë me miqtë që nuk zotërojnë një PlayStation. Çfarë, a nuk e keni luajtur kurrë?

Përballje epike me grushta, mini lojëra karaoke dhe një mikrokozmos jashtëzakonisht i detajuar i Tokios ju pret. Valkyria Chronicles 4 po vjen edhe në PC. Tani na duhet vetëm Sega për të bindur degën Atlus për të sjellë Persona në Windows.

Death Stranding vazhdon të qëndrojë po aq e çuditshme në mënyrë të mahnitshme.

Sigurisht herët a vonë do të vinte momenti që Hideo Kojima dhe Norman Reedus do të duhet të lëshonin një lojë. Ose të paktën një datë lëshimi. Por realisht, ne duam trailer-at e lojërave të Kojima pothuajse aq sa lojërat e tij, dhe jemi të lumtur të qëndrojmë duke pritur, për sa kohë që ai është i gatshëm të vazhdojë prodhimin e videove muzikore të çmendura.

Humbësat

Bllokimi i vazhdueshëm i “crossplay” nga Sony.

Lojërat e Fortnite ne Switch dhe PS4 do të mbeten të ndara, të paktën për aq kohë sa vendimi i Sony për të parandaluar consoles rivale të hyjnë në ekosistemin e tyre online e mbajnë jashtë. Lojtarët kanë shprehur gjithashtu zemërim për pamundësinë e tyre për të hyrë në llogaritë Fortnite të bëra në PS4 nëpërmjet versionit Switch të lojës.

Atributi i shkurtër i Waluigi-t në Super Smash Bros.

Seriozisht, thjesht bëjeni të gjorin një karakter të luajtshëm. Ai ka duruar mjaft dhimbje.

Command and Conquer: Rivals

Të qenit një fans i Command and Conquer të bën të vuash. Loja mee strategji në kohë reale ka mbetur në gjumë që nga “Command and Conquer: Tiberium Alliances” e 2012-ës i lirë për t’u luajtur dhe loja e fundit para saj e plotë pati  një reagim jo dhe aq ekzaltues në vitin 2010. Pra, çfarë tregoi EA për fansat në E3 ? Një lojë e lirë për smartphones, e prezantuar keq. Ju thjesht duhet të shihni  reagimin e fansave në YouTube për të kuptuar më mirë se për çfarë përgjigjje ka pasur loja.

Gears Pop

Çfarë katastrofe?! Figurinat Funko Pop janë në fund të zinxhirit ushqimor të kulturës pop. Të jemi të sinqertë, kur Microsoft-i bëri atë karremin idiot,  donim që video-lojërat të anulloheshin përgjithmonë. Fatmirësisht, Microsoft njoftoi Gears 5 pothuajse menjëherë pas saj  dhe na dha një fije shprese.

Days Gone mund të jetë një dështim që në nisje.

Kemi luajtur rreth 25 minuta të lojës ekzkluzive për PS4, dhe ajo nuk përmbante aspak nga prestigji që kishte kur debutoi  pak vite më parë. Ajo u ndje e zymtë dhe jo inkurajuese për një lojë që do të dalë për tetë muaj (Sony ka lançuar 22 shkurtin e 2019-ës si datë lëshimi). Ne mezi po e prisnim Days Gone në fillim por tani me kalimin e kohës po e heqim nga radari.

Dhuna në disa lojëra po fillon të bëhet bezdisëse.

Njerëzit kanë folur për nivelin e dhunës në lojëra që nga ditët e Atari 2600. Unë kam mbrojtur industrinë për vite me radhë në këtë front, duke cituar shpirtin  artistik dhe dhunën e hiperbolizuar në mënyrë kritike të regjizorëve të filmave si Quentin Tarantino dhe Takeshi Kitano. Diçka ndjehet ndryshe këtë vit në E3, dhe ne mendojmë se e dijmë se çfarë është.

Së pari, ne jemi duke jetuar në një moment të vështirë social tani, ku jemi nën kërcënimin e një dhune shumë të vërtetë, veçanërisht në shkollat ​​amerikane, ku ndodh personifikimi i kocepteve që shfaqen në lojëra.

Së dyti, grafika e avancuar e console-ëve aktual dhe PC e bën gjakderdhjen tepër realiste.

Mendimi Final: Një vit rindertues për industrinë e lojërave.

Nuk ka dy mënyra në lidhje me të: Ashtu si një ekip sportiv profesional që rishikon listën e lojtarëve të tij me shpresën për ta rikthyer atë në formën më të mirë për sezonin e ardhshëm, E3 2018 ka qenë një vit rindërtues prototipik për sa i përket softuerit të ri. Pavarësisht nga Fallout 76, pjesa më e madhe e lojrave me të vërtetë të shpallura nuk do ta “shohin dritën e diellit” para 2019 (ose më tej) dhe shumë pak prej tyre do jenë duart tona në krahasim me vitet e mëparshme. Tani që e sqaruam këtë, gjithë këto lojëra të bëjnë të presësh me padurim. Lojëra të tilla si: Cyberpunk 2077, Sekiro: Shadows Die Twice, Control dhe Ghost of Tsushima të cilat duken të gjitha shumë premtuese.