Është e dukshme që ember lab zhvilluesi i Kena: Bridge of spirits filloi si një studio animacioni. Vetëm duke parë këtë botë të mrekullueshme dhe modelet e personazheve pixar, ju tregon se ky është një ekip që ka një përvojë të madhe në krijimin e veprave dixhitale. Gameplay i Kena nuk është nga ato lloje të cilat kane një shtrirje te gjate dhe të ekzagjeruar por ka disa tregime të buta dhe progres të ulët. Kjo aventurë 3d open world është një arritje mbresëlënëse, jo vetëm nga grafikat e mrekullueshme por edhe falë luftimit të saj emocionues të thjeshtë dhe një ekuilibri të shkëlqyeshëm të zgjidhjes puzzle dhe ndërveprimit.
Kena është një udhëheqës shpirtëror e cila ndihmon shpirtrat që nuk janë në gjendje të kalojnë në botën tjetër. Historia e ndjek atë teksa kalon nëpër një tokë të bukur por që po vdes në kërkim të tempullit të saj në mal duke udhëhequr shpirtrat e pambrojtur që ajo gjen gjatë rrugës. Nuk mbarojnë fjalët e mira që mund të thuhen në lidhje me modelet e personazheve, shprehjet e fytyrës dhe animacionin në bridge of spirits. Të gjithë personazhet që do takoni do t’ju buzëqeshin me ëmbëlsi, madje dhe vetë kena.
Ajo është aq e pëlqyeshme në fakt sa që të vjen keq që nuk mund të mësojmë vërtet aq shumë për të. Ju merrni të dhëna për prejardhjen e saj në historinë e lojës, por asgjë që ju lejon ta njihni atë në të njëjtën mënyrë si të njihni shpirtrat dhe personazhet me të cilët ajo përfundon duke bashkëvepruar. Është e padrejtë sepse është ajo me të cilën kalojmë më shumë kohë dhe gjithçka tjetër rreth saj është e mrekullueshme dhe të bën të dish akoma dhe më shumë për të.
Në disa mënyra Bridge of spirits e është një kthim pas në stilin klasik të lojërave 3d zelda për të pasur një open world që u nda në zona kryesore dhe më pas ju udhëzon në secilën prej tyre në një mënyrë lineare. Secila zonë do t’ju kërkojë më pas të grumbulloni një sasi të caktuar të artikujve të ndryshëm për të luftuar një boss dhe pastaj të merrni një upgrade që ju lejon të udhëtoni dhe të eksploroni zonën tjetër.
Është shumë e thjeshtë dhe shumë praktike, gjithashtu funksionon në mënyrë elegante. Çdo zonë është shtëpia e një shpirti të korruptuar që kena duhet ta shpëtojë. Ndërsa eksploroni terrenet do të takoni personazhe të tjerë që dikur ishin afër atij shpirti, mësuan për historinë se si gjërat shkuan keq për ta dhe gjejnë efektet e tyre personale. Më pas gjithçka arrin kulmin në një luftë me bossin që lidh një frazë të vogël në harkun e historisë. Luftimi nga ana tjetër nuk është absolutisht asgjë si ajo e zeldës. Është e thjeshtë në fillim dhe më pas ka disa sfida të cilat do t’ju duken çuditërisht të vështira. Ju keni goditje të lehta, goditje të rënda dhe aftësinë për të përdorur harkun me shigjeta për sulme të ndryshme dhe këto janë mjetet tuaja kryesore sulmuese nga fillimi në fund.
Disa nuanca prezantohen në formën e shpirtrave të vegjël dhe të adhurueshëm të njohura ndryshe si ROT. Këto krijesa të vogla ju ndihmojnë në betejë duke rrethuar një armik dhe duke i mbyllur përkohësisht duke ju dhënë një mundësi për të sulmuar pikat e tyre të dobëta ose thjesht të përqendroheni në pastrimin e armiqve përreth. Aftësia për t’i komanduar ato është e lidhur me një matës korajoje që ndërtohet ndërsa ju pësoni dëme duke i inkurajuar ata që të vënë veten në rrezik për t’ju ndihmuar. Në disa raste patëm disa image stutter gjatë kohës.
Ajo që me të vërtetë sjell lufta në Bridge of spirits është se pas një kohe fillon të prezantojë lloje të reja armiqsh që ju inkurajojnë fuqimisht të ndryshoni taktikat tuaja dhe të eksploroni disa nga hollësitë e mjeteve të tij. Një fakt që meriton përmendje të veçantë janë betejat e bosit, të cilat janë nga ato më intensivet dhe sfidueset, çdo luftë ndihet e dallueshme, ato të mëdhatë kanë muzikë epike të përshtatshme dhe ka shumë prej tyre gjithashtu. Disa nga betejat më të vogla të bosave madje përfundojnë duke u bërë armiq të rregullt me të cilët duhet të luftoni më vonë dhe kjo është një mënyrë e mirë për të rishqyrtuar disa nga luftimet më argëtuese dhe më të vështira.Loja kundër bosave të furstron goxha sidomos kur ata hidhen për t’ju sulmuar dhe ju bëni dodge. Por në disa raste ky dodge nuk do t’ju ndihmojë pasi gjate kohës që armiku është në hedhje, ju ndjek lëvizjet dhe parashikon se ku do të shmangeni.
Ka një sasi mbresëlënëse variantesh të armiqve dhe sapo ata fillojnë të shfaqen në lojë, do të sfidoheni vazhdimisht nga skenarë të rinj dhe interesantë. Ju gjithashtu duhet të menaxhoni burimet tuaja me shumë kujdes në betejë sapo vështirësia fillon të rritet ndjeshëm më vonë në rrugetim. Jo vetëm që mund të përdorni kurajon për të mbyllur armiqtë me ROTs, por gjithashtu duhet ta përdorni për tu shëruar duke pastruar zona të veçanta në një luftë. Rrallë ka më shumë se dy nga këto pika shëruese në çdo vend lufte të caktuar, gjë që e bën çdo pjesë të dëmit që merrni jashtëzakonisht të rëndësishme. Shpesh ju duhet të zgjidhni nëse doni të përdorni kurajon tuaj për të qenë në gjendje të mbijetoni një goditje tjetër ose ta përdorni atë për të goditur armikun në momentin kur nuk lëviz.
Sistemi i përparimit të Bridge of spirits nuk siguron shumë mundësi joshëse për të evoluar stilin tuaj të luftimit pasi do të keni vetëm një mjet luftimi dhe nuk do të ketë ndonjë fuqi mbresëlënëse edhe pas disa upgrade-ve. Ju mund të përmirësoni lëvizjet tuaja, por ndikimi i upgrade-ve është zhgënjyes. Tre nga katër upgrade-t e armës janë aftësi që ne mendojmë se ju duhet ti bëni sa më parë në lojë, kundërsulmi i veçantë pasi i bën parry armiqtë nuk ndihet shumë më i fortë dhe shumë përmirësime të tjera janë vetëm përmirësime të vogla dhe zor të dukshme.
Ka dhe përjashtime natyrisht. Një goditje me hark që shkakton dëme të mëdha me koston e një kurajoje, një goditje me çekiç që mund të godasë një grup armiqsh në të njëjtën kohë dhe aftësia për të aktivizuar slow-motion ndërsa bën aim do të ishin vërtetë diçka e bukur po ta kishin shtuar. Por përveç këtyre nuk ka ndonjë evekt të madh nga upgrade-t sepse ato shumë rrallë dukeshin si diçka e dobishme ose do ta bënte luftën më argëtuese. Lufta kundër armiqve nuk është gjithçka që do të bëni në Bridge of spirits dhe fakti që balancon aq mirë zgjidhjen dhe eksplorimin e puzzle të platformave është një nga pikat më të forta të lojës.
Nuk do të ndiheni kurrë sikur po bëni të njëjtën gjë. Zakonisht do të sfidoheni të zgjidhni një lloj puzzle për të hapur zonën tjetër. Ndonjëherë duke komanduar ushtrinë tuaj të vogël të ROTs si mjet për të lëvizur objektet në mënyrë që të shtypni butonat ose t’ju japë një platformë për t’u ngritur. Sapo të merrni fuqinë e bombës, rregullisht do të bëni sekuenca argëtuese të platformave, ku duhet të aktivizoni disa prej tyre dhe të kuptoni se si të arrini nga pika a në pikën b para se platformat të kthehen në gjendjet e tyre normale. Mbi të gjitha kjo është një open world me shumë sekrete të fshehura jashtë rrugëtimit tuaj në campaign.
Ajo çka është qesharake në lidhje me eksplorimin dhe gjuetinë e koleksioneve, është se me përjashtim të pikave të meditimit që rrisin shëndetin tuaj maksimal, asnjë nga koleksionet nuk bën aq shumë ndikim në lojë. Pra dikush që ka qejf cosmetics nuk do të jetë aq i detyruar të kërkojë koleksione nga Bridge of spirits, pasi shumicën e kohës ato thjesht japin kapele të reja për ROTs ose in-game coin…. që mund të përdorni për të blerë më shumë kapele për ROTs. XD Sigurisht ka edhe chests të mallkuara të cilat do t’ju duhet të luftoni armiq të ndryshëm per ti hapur ato, por serish është tepër zhgënjyese të luftosh dhe në fund të marrësh një tjetër kapele.
Kena: Bridge of spirits është loja e parë dhe e mrekullueshme nga ember lab. Ajo vjen në SONY Playstation 4, Playstation 5 si dhe Epic Games Store si një lojë first-party e SONY. Ajo sjell elemente të ndryshme të cilat na rikujtojnë disa tituj të shkëlqyer si Zelda, Uncharted, Dark Souls dhe shumë më tepër per tju sjellë një eksperiencë të paharrueshme në këtë lojë open-world.