Fansat e PUBG kërkojnë paratë e tyre pasi loja u bë Free-To-Play

Në fillim të kësaj jave, PUBG: Battlegrounds më në fund bëri kalimin e tij të shumëpritur në Free-to-Play por jo të gjithë janë të kënaqur për këtë. I lançuar në vitin 2017, PUBG: Battlegrounds ishte një nga battle royale më të njohura në treg.

PUBG Corporation ka këmbëngulur që kalimi lojës së saj në një model Free-to-play nuk është një përgjigje e drejtpërdrejtë ndaj konkurrencës. Përkundrazi, ata thjesht besojnë se është koha e duhur për ta bërë atë.

“Loja jonë është në një vend të mrekullueshëm me tetë harta, një komunitet të angazhuar dhe mekanikën tonë të thellë të armëve, kështu që ky është hapi tjetër i natyrshëm dhe një mënyrë e shkëlqyeshme për të prezantuar më shumë lojtarë në universin tonë,” tha drejtori krijues i lojës Dave Curd.

“Unë e di se ka shumë njerëz që janë të interesuar për PUBG: Battlegrounds, por kurrë nuk kanë arritur ta luajnë atë për arsye të ndryshme, dhe tani është momenti i përsosur për të filluar.”

Ndërsa ky është një arsyetim i fortë, një numër fansash prej kohësh janë të mërzitur që PUBG: Battlegrounds papritmas është falas. Në Steam, loja ka parë një turmë kritikash negative, me përdoruesit që shprehin shqetësimin e tyre se loja falas do të çojë në një fluks me hackers. Të tjerë po kërkojnë kthimin e parave të tyre, pasi kanë paguar çmimin e plotë për lojën vite më parë.

Më 12 janar, ditën kur PUBG: Battlegrounds u bë zyrtarisht falas, u godit me mbi 5,000 komente negative në hapësirën e 24 orëve. Komente si “free 2 play = cheat 2 play”, dhe “a mund t’i kthej paratë?” tani janë një pamje e zakonshme.

Vlen të përmendet se PUBG Corporation në fakt nuk i ka harruar lojtarët që blenë lojën në atë ditë. Lojtarët ekzistues mund të marrin në dorë një Bundle Përkujtimor të Veçantë, e cila jep akses të përhershëm në një mori bonusesh speciale si një modalitet ekskluziv ranking, opsionin për të krijuar custom games dhe një pjesë të vogël të cosmetics.