Battlefield 6 mund të jetë një “remake” me një campaign revolucionar

Zbulimi i lojës FPS të shumëpërfolur Battlefield 6 mund të jetë vetem disa javë larg. Sëbashku me të , më shumë aludime kanë filluar të ngrihen për shooter-in e EA dhe DICE.

Shumë nga këto leaks do të rezultojnë të jenë lajm i rremë, sigurisht, por njëri prej tyre do t’u bëjë të uleni dhe të mendoni.
Tom Henderson ka afro 1 vit që po shpërndan informacione mbi Battlefield 6, si harta me 128 lojtarë, ambjente të cilat mund të shkatërrohen gjatë lojës dhe një vendosje kohore në të tashmen.

Megjithëse asnjë prej leaks-ave të tij nuk janë konfirmuar akoma , një pjesë e madhe e deklaratave të tij janë mbështetur nga shumë burime të tjera. Ai gjithashtu ka një reputacion të hershëm në nxjerrjen e informacioneve për Call of Duty dhe Battlefield. Oh , për të mos harruar , para disa javësh ai u pezullua nga twitter dhe të gjitha videot e tij mbi Battlefield 6 u fshinë çuditërisht.

Por ai është rikthyer së fundmi me informacione të reja. Ai thotë se loja e këtij viti do të jetë një reboot me titullin – gjejeni çfarë – BATTLEFIELD. Ai gjithashtu thotë se loja do të jetë e vendosur 10 vite në të ardhmen , e cila e bën atë të krahasueshme me Call of Duty Black Ops 2.

Ai gjithashtu ka shtuar se loja do të jetë një server nga ku mund të luani të gjitha lojërat e mëparshme të Battlefield. Por ama ne nuk jemi akoma të qartë se si do të funksionojë kjo metodë.

Ai vazhdon të flasë mbi një campaign revolucionar , krahasuar me versionet e tjera. “Campaign-i do të fokusohet tek ti dhe skuadra jote , ku ti mund të zgjedhësh për cilën superfuqi do të luftosh.” – shkruan ai.

“Dy superfuqitë , Amerika dhe Rusia do të duan të të rekrutojnë ty dhe skuadrën tënde , e cila do të jetë një aset i vlefshëm për to. Duket se campaign këtë vit do të jetë një përvojë co-op.

Fatkeqësisht duket se trailer-i i Battlefield 6 nuk do të tregojë gameplay , por do të jetë i ngjashëm me reveal trailer-in e Battlefield V.