Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Turnamenti do të bëhet në Asphalt 9: Legends dhe PUBG Mobile.
Vodafone është në bashkëpunim me ESL për Vodafone 5G ESL Mobile Open, eventi i parë internacional i esports që do të ketë një finale live që do të luhet plotësisht në internet 5G. Turnamenti do të ketë një prize pool prej 165,000 eurosh.
Vodafone 5G ESL Mobile Open do të luhet në Asphalt 9: Legends dhe PUBG Mobile. Pas tre muajsh në fazat kualifikuese, finalja e madhe do të mbahet në Milan Games Week në datat 28 dhe 29 shtator.
Vodafone and @ESL team up to launch the world’s first international #ESLMobileOpen 5G mobile esports tournament. #playfaster https://t.co/kGw2SNwQgL pic.twitter.com/2zK4mNEB9q
— Vodafone Group (@VodafoneGroup) 24 May 2019
Regjistrimet janë të hapura për lojtarët nga 17 vende, përfshirë këtu edhe tonin. Gjermani, UK, Itali, Spanjë, Shqipëri, Republika Çeke, Greqi, hungari, Irlandë, Maltë, Hollandë, Portugali, Rumani, Turqi, Egjipt, Katar dhe Indi.
“Në bashkëpunim me Vodafone, ne po sjellim disa nga lojërat më të luajtura në mobile, në trajtën e një kompeticioni të formatit esports, duke ndërtuar kështu një urë mes super fansave të esports dhe gamer-ave të thjeshtë. Ne besojmë në ngritjen e mobile esports dhe jemi të emocionuar që po punojmë me një partner si Vodafone në këtë program, teksa ata sjellin 5G në tregjet e tyre.” Është shprehur CEO i ESL, Ralf Reichert.
Finalet e mëdha të të dyja lojërave do të luhen në rrjetin 5G. Vodafone në këtë rast ka si synim të shpalosë internetin me shpejtësi të lartë, që gjatë mbajties së turnamentit mund të sjellë disa vonesa të vogla te përdoruesit.
“Vodafone 5G ESL Mobile Open është mundësia perfekte për ti treguar me miliona vetave potencialin e rrjetit 5G në nivele të reja të performancës në gaming në çdo paisje mobile.” Ka thënë Ahmed Essam nga Vodafone.
Kualifikimet e Asphalt 9: Legends do të bëhen në rrjedhën e tetë javëve, ku lojtarët më të mirë nga secila javë do të shkojnë në finale. Krahas këtyre do të ketë edhe fazë kualifikuese offline për Asphalt 9: Legend. Këto do të mbahen në ESL One Birmingham, ESL One Cologne, Gamescom Cologne dhe në Milan Games Week, një ditë para finaleve live.
Faza kualifikuese për PUBG Mobile pastaj do të mbahet në ESL Play në periudhë mujore. Do të ketë nga një kupë për çdo muaj gjatë qershorit, korrikut dhe gushtit. Dhjetë skuadrat më të mira nga kualifikimet mujore do të udhëtojnë në Milan të Italisë për finalet live.
