Tfue i kundërvihet Ninja për Harpoon Gun në Fortnite

Tfue dhe Ninja nuk merren vesh mirë me njëri-tjetrin dhe ky nuk është ndonjë lajm i ri për askënd. Me ardhjen e update v12.20 në Fortnite dyshja ka patur prapë një kontraditë.

Që pas update-it në fjalë shumë lojtarë kanë thënë se harpoon gun, që përdoren kryesisht për loot, nuk kanë punuar siç duhet. Pasi FaZe Thiefs pyeti Epic nëse do të sillnin ndonjë patch për ti rregulluar ato, Ninja u hodh shpejt në mbrojtje të lojës, duke thënë se ai nuk ishte një glitch dhe Epic tashmë i kishte bërë këto ndryshime.

Këtu Tfue u fut në lojë duke postuar një video ku thoshte se padyshim që harpoon gun nuk po funksiononte. Sa herë që ai tentonte ta fuste në ujë atë, ajo as nuk zhytej, duke e bërë të dukshme problemin që qëndronte me të.

Tashmë që Epic Games nuk po publikon më patch notes për update-et, është e pamundur që lojtarët ta dinë me siguri se kur diçka është ndryshuar qëllimisht dhe kur diçka është gabim.