Ninja shpjegon pse Tfue është gabim kur kritikon Season 3 në Fortnite

Ylli i Mixer Tyler Ninja Blevins ka shpjeguar se përse është e padrejtë, që Tfue po ankohet për ndryshimet e bëra në Fortnite Season 3. Ky i fundit është shprehur se nuk ishte shumë i lumtur me loot pool-in në lojë, në krahasim me gjendjen e tij në sezonet e mëparëshme.

Ninja po bënte stream me Myth pak pasi patch-i i ri erdhi live në lojë. Në këtë pikë ai reagoi ndaj kritikës së bërë nga Tfue, duke thënë: “nuk ka mundësi që ai të bëjë kritika kaq herët.”

“Turner po ankohet për sezonin e ri, kur ai ka vetëm dhjetë a njëzet minuta që ka filluar,” vazhdoi Ninja. “As nuk e kuptoj se çfarë kanë hequr në fakt, ka një pump të re që e ndryshon komplet dinamikën e lojës.”

Më tej ai filloi të listonte të gjitha armët e lojës që kanë qenë aty që nga sezoni i 2, duke vënë në diskutim fjalët e Tfue, që loot pool-i kishte ndryshuar për keq. Në këtë pikë ndërhyri Myth, dke thënë se Tfue me shumë gjasa nuk ishte i kënaqur me shotgun-in e ri, por Ninja e kundërshtoi shpejt këtë ide, duke thënë se edhe versioni bazik i saj është mjaft i fuqishëm.

Ninja madje tha, që update-i i ri kishte sjellë disa ndryshime të mira në armë. Sipas tij ndryshimet e fundit në burst guns ishin një: “nerf i drejtpërdrejtë për lojtarët me controller”, diçka kjo që Tfue e ka kërkuar shumë gjatë sezoneve të fundit të Fortnite.

Pavarësisht kritikave para kohe që bëri Tfue, atij duket se po i pëlqen sezoni i ri i lojës battle royale. Një ditë më vonë ai postoi në Twitter, duke thënë se sezoni i ri i duket shumë gallatë. Përsa i përket kritës që i bëri Ninja, ai ende nuk ka reaguar.