Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Anëtari i FaZe Clan dhe YouTuber-i Jarvis ka zbuluar planet që ka për të kaluar në Call of Duty . Ky vendim erdhi pasi mori një ban të përhershëm në Fortnite, për përdorimin e aimbots.
Pas incidentit në fjalë ai kërkoi ndjesë përmes një videoje emocionale në YouTube, duke pranuar përgjegjësinë për përdorimin e atyre cheats, por gjithashtu duke shtuar: “as nuk më shkoi në mendje se mund të dëbohesha përgjithmonë nga Fortnite për këtë.”
Historia e tij u bë menjëherë virale, pasi shumë streamers dhe YouTuber-a dhanë opinionin e tyre mbi ndëshkimin e Epic Games, ku shumica binin dakord se ishte pak i tepruar. Gjithsesi, kjo nuk e ndikoi vendimin e Epic, ndaj Jarvis ka vendosur se ka ardhur koha të vazhdojë me planet e tij.
Në një intervistë Jarvis tha se loja e radhës ku ai do të fokusohet do të jetë Call of Duty.
Ylli i FaZe gjithashtu konfirmoi se nuk kishte fare shanse për një kthim në Fortnite. Problemi i Jarvis në këtë rast, nuk është mungesa e opsioneve për lojëra të tjera, por kryesisht fakti që audienca e tij është e gjitha e fokusuar në Fortnite.
E gjithë situata dramatike që ka rrethuar ban-in e tij ka sjellë një rritje në shikuesit dhe subscriber-at e kanalit të tij, por kjo valë popullariteti do të ndalet, nëse fansat e tij nuk tregojnë interes në lojërat e tjera që ai vendos të luajë.
Mbetet të shohim se si do të ecin gjërat për Jarvis në të ardhmen. Le të shpresojmë më të mirën për të.
