Jarvis i FaZe Clan është bërë përgjithmonë ban nga Fortnite

Epic Games i ka bërë një ban të përhershëm Jarvis Kaye, sepse ka përdorur aimbot në videot e tij.

“Gjithçka që po mendoja kur po i bëja ato video, ishte se sa argëtuese dhe interesante do të ishin ato për ju. As nuk më shkoi në mendje që do të bëhesha ban përgjithmonë nga Fortnite për këtë gjë,” tha Kaye, duke theksuar që nuk i kishte përdorur aimbots në competitive mode.

Kaye gjithashtu postoi në Twitter për incidentin. Ai shtoi se është mirënjohës se si Fortnite ndryshoi jetën e tij, pavarësisht ngjarjes që ndodhi.

Gjithsesi, duket se historia mes Kaye dhe Fortnite, nuk do të mbarojë aq lehtë. Fansa dhe lojtarë të shumtë kanë treguar suportin e tij me hashtagun #FreeJarvis.

Argumenti kryesor ndaj ban-it të përhershëm të Kaye është që dy lojtarë pro të Fortnite, Xxif dhe Ronaldo, u kapën duke bërë cheat në Fortnite World Cup qualifiers dhe morën vetëm dy javë ban nga competitive play. Dyshja ende pati mundësi që të kualifikohej dhe të merrte pjesë në Fortnite World Cup Duos Finals. Po ti krahasosh këto dy situata, ndëshkimi ndaj Kaye duket pak i ashpër.

Gjithsesi, ka disa lojtarë që deklarojnë se Kaye nuk duhet të trajtohet ndryshe, vetëm prej statusit që ai ka. Epic Games ka hedhur në gjyq YouTuber-a më parë, sepse kanë promovuar hacking software në videot e tyre të Fortnite. Duket se zhvilluesi ka ndërmend të mbajë të njejtin qëndrim me Kaye.

Lojtarët janë ende në pritje të një përgjigjeje nga Epic Games për ndjesën nga Kaye. Kompania është pak në situatë të ngushtë. Nëse ban-i i Kaye do të vazhdojë të jetë i përhershëm, mbetet të presim dhe të shohim.