Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Le të mos shtiremi sikur nuk ka favorizime në botë, sepse ka.”
Ylli i Mixer, Tyler ‘Ninja’ Blevins, ka shprehur mendimin e tij në lidhje me situatën e Jarvis Kaye. Ai sugjeroi se Epic Games duhet ta trajtojë situatën pak më ndryshe. Antari i FaZe Clan u ndëshkua me një ban të përhershëm në Fortnite, pasi kishte postuar disa video, në të cilat tregonte përdorimin e aimbot në alt account-in e tij.
Shumë njerëz në komunitetin e Fortnite kanë dhënë mendimin e tyre, nëse Jarvis duhet ta pranojë ndëshkimin e tij apo jo, me shumë njerëz që janë duke bërë thirrje që Epic ta tërheqi ban-in, ose të paktën t’i bëjë një reduktim, meqë ishte shkelja e tij e parë.
Një nga emrat më të mëdhenj që është përfshirë në situatë, është Ninja, i cili i erdhi në mbrojtje Jarvis, kur u pyet se çfarë mendonte për të gjithë situatën.
Ninja tha se mendon se ndëshkimi i Epic Games ishte pak i rëndë dhe se Jarvis duhet të pezullohet për rreth gjashtë muaj ose një vit. Ai gjithashtu sugjeroi se lojtari i FaZe Clan duhet të trajtohet më ndryshe, duke marrë në konsideratë se Fortnite është praktikisht karriera e tij.
“Ai është ende i vogël, ndaj mendoj se është thjesht një fëmijë që bëri një vendim idiot dhe nuk mendoi për pasojat.” shpjegoi Ninja. “Nuk ishte një turnament, ishte një situatë komplet tjetër. Ndoshta një ban gjashtë-mujor nga competitive okej, por ban të përhershëm?”
Streamer-i i Mixer tha se ishte dakord që Jarvis të merrte ndëshkimin e tij, sepse fundja ju tregoi aimbot mijëra shikuesve që po e ndiqnin, por tha se fakti që ai është një content creator, duhet të sillte pak ndryshim në arsyetimin e Epic.
“Mendoj se ajo që bëri ishte tmerrësisht idiote, por një ban i përhershëm është budallik. Çfarë do të luajë ai tani? I duhet të kalojë nga një prej lojërave më të famshme, ku ngriti gjithë karrierën e tij, në një lojë tjetër.”
Ninja gjithashtu i mëshoi idesë që content creators të Fortnite, duhet të kenë pasoja më të ndryshme ndaj bans, në krahasim me ata që thjesht bëjnë hack për qejf.
“Ka ndryshim mes një content creator-i që ka miliona subscribers dhe bëhet ban nga një burim që i sjell para dhe nfa një fëmijë që ka zero followers dhe bën zero para nga gaming. Nëse i bën ban këtij fëmije, nuk ndodh asgjë. Nëse i bën ban Jarvis, është ndryshe dhe situata duhet të përballohet më ndryshe. Le të mos shtiremi sikur nuk ka favorizma në botë, sepse ka.”
Ninja vazhdoi argumentin e tij duke marrë parasysh edhe situata reale: “Ka njerëz që kanë bërë gjëra më të këqia dhe nuk janë bërë ban. Logan Paul literalisht filmoi trupa të vdekur në pyll dhe kanalit të tij nuk i ka ndodhur asgjë. YouTube vendosi që ai ishte aq i madh, sa nuk ja vlente ti bëje ban.”
Nëse Epic Games do të marrë në konsideratë deklaratën e Ninja dhe personave të tjerë që po sugjerojnë për një ndëshkim më të ulët ndaj ban-it të Jarvis, ende nuk e dimë. Gjithsesi, duke marrë parasysh që është një komunitet i tërë që po mban anën e tij, Epic edhe mund ta ndërrojë mendjen.
