DrDisrespect tallet me NICKMERCS dhe TimTheTatman

Streamer-i veteran Dr Disrespect u tall në mënyrë spektakolare me NICKMERCS dhe TimTheTatman, për mënyrën se si ata tashmë janë të ndikuar nga censurimet e fjalëve në Twitch.

Të paktë janë streamerat aq karizmatikë dhe aq të hapur sa Dr Disrespect. Ky i fundit e gjen veten shpesh duke bërë shaka tallëse me kolegët e tij, të cilat gjithmonë mbeten brenda normave, më shumë në trajtat e humorit se ato të ofendimit.

Dr Disrespect tashmë nuk bën më stream në Twitch, por në YouTube, falë incidentit të famshëm që e njohim të gjithë. Ishte pikërisht kjo shkëputje nga platforma e Amazon ajo që e shtyu më shumë të tallej me NICKMERCS dhe TimTheTatman, të cilët janë të dy akoma në Twitch.

E gjitha filloi nga një tweet që cilësonte NICKMERCS dhe TimTheTatman si dy streamerat më të parë të Warzone në 2020. Këtu Doc u hodh duke thënë:

“I jap karrierës së NICKMERCS dhe TimTheTatman edhe dy muaj, pastaj kanë marrë fund për mirë. Çao.”

TimTheTatman thjesht i ktheu përgjigje duke i thënë:  “Shut up you little short b*tch.”

Kjo vazhdoi më tej kur Tim tha se do e mundte Doc në çfarë do lloj sporti që ai të zgjidhte. Në këtë pikë Doc bëri ironi me Twitch dhe u tall me shokët e tij duke thënë se me ato fjalë ai ngjante si një: “simp virgin”.

Nëse nuk jeni në dijeni Twitch ka nxjerrë rregulla të reja që e ndalojnë përdorimin e këtyre fjalëve.

Reagimi i Tim ishte të bënte tag TwitchSupport. Normalisht ata nuk u përgjigjën.

Kini parasysh që këto shkëmbime batutash mes Doc dhe Tim janë gjithmonë në vija shoqërore. Ndaj mos kujtoni se janë zënë me njëri-tjetrin a ku di unë.