Asmongold mbetet më i pari në Twitch, pavarësisht rënies së WoW

Streamer-i i njohur Asmongold ka ruajtur vendin e tij si më i shikuari në Twitch përgjatë tetorit, pavarësisht rënies së World of Warcraft në çartet botërore.

Twitch ka patur goxha ndryshime në platformën e tij kohët e fundit me Ninja, shroud dhe Courage që janë larguar për të kaluar ekskluzivisht në Mixer ose YouTube. Në mungesë të tyre disa streamers kanë përfituar atë audiencë të shikuesve që nuk është zhvendosur nga Twitch bashkë me ta. Asmongold është një prej tyre.

Ai ka ruajtur vendin e tij si më i pari në platformë, një titull që e kishte edhe përgjatë muajit të shtatorit. Sipas statistikave nga SullyGnome, streameri ka arritur të kalojë dhe yllin e Fortnite, Tfue.  Për muajin tetor, Asmongold ishte i vetmi streamer që mundi të arrijë mbi 6,000,000 orë të para

Suksesi i Asmongold vjen si diçka e habitshme, duke marrë parasysh që loja që ai zgjedh të luajë, World of Wacraft, ka pësuar një rënie të ndieshme në 30 ditët e fundit. Sipas statistikave të tjera, loja ka patur 60% rënie në orët e para. Ajo është kaluar nga lojëra të tjera si Call of Duty: Modern Warfare dhe League of Legends.

Rritja e dy lojërave të fundit është plotësisht e arsyeshme, duke konsideruar që LoL ka mbajtur evenin Worlds të saj dhe Modern Warfare është praktikisht e porsa lançuar.

Me një numër të madh të ri lojërash që priten të lançohen në horizont, mbetet të shohim nëse Asmongold do të vazhdojë të ruajë vendin e parë, apo nëse shikuesit e Twitch do të shkojnë gjëkundi tjetër.

Gjithsesi, ai ka arritur të qëndrojë i paprekur nga rënia masive e World of Warcraft dhe kjo më vete është mjaft mbreslënëse.