Laptopët e rinj të Nvidia janë më të fuqishëm se PlayStation 5

Nvidia po konkurron me laptopët e rinj kundër konsoles së Sony

CES i vitit 2021 deri më tani ka qenë i mrekullueshëm dhe për ta bërë akoma edhe më shumë Nvidia prezantoi serinë e laptopëve GeForce RTX 30. Këto laptop gaming do të sjellin e eksperiencën e një gaming PC në një pajisje të vogël madje duke konkurruar edhe me konsolen më të fundit të Sony, PS5.

Nvidia është një ndër kompanitë më të mira për prodhimin e kartave grafike(GPU) duke prezantuar së fundmi serinë e re RTX 30 e cila e ngre në një nivel tjetër fuqinë e kartave grafike me më shumë framerate dhe mundësi për raytracing. Por gjithashtu Nvidia merret edhe me kompjuter të përgatitur dhe laptop të cilat mund të përdoren në shumë mënyra.

Sipas njoftimit zyrtar për serinë e re të laptopëve RTX 30, laptopi me RTX 3060 do të jetë 30% më e shpejtë se PS5. Duke marrë parasysh shpejtësinë e madhe të PS5, shpejtësia e këtyre laptopëve do të jetë tepër mahnitëse duke menduar madhësinë e një laptopi. Por çmimi më i ulët i një laptopi do të jetë dyfishi i PlayStation 5 i cili do të jetë 999 dollarë amerikanë.

Avantazhet që një laptop iu ofron janë të shumta duke filluar që prej përdorimit të tij si një konsole me ekrane televizori ose monitorë dhe deri tek përdorimi si një PC normale me tastierë dhe maus duke iu lejuar që ta merrni kudo me vete. Ju mund të luani lojëra nga më të ndryshmet duke përfshirë këtu edhe Cyberpunk 2077 pa asnjë problem(sigurisht pa përfshirë problemet që vetë loja ka).

Edhe pse PlayStation 5 ka shumë lojëra ekskluzive, përsëri Nvidia do të jetë një problem për konsolen e Sony.