Më në fund Ratchet & Clank jane rikthyer, kete radhë ekskluzivisht ne PlayStation 5 dhe fale Albagame dhe Sony ka ardhur ne duart tona për ta luajtur dhe për të të dhënë mendimin tone.
Por ku do të na çojnë aventurat e reja të Ratchet & Clank, çfarë do të ketë në të dhe a ia vlen ta blini dhe ta luani këtë lojë… gjithmonë po patet Playstation 5. Le te zbulojmë se çfarë sjell Ratchet and Clank: Rift Apart, loja me e re e kësaj serie, ne këtë review.
Loja nis me protagonistet Ratchet & Clank të cilët po dekorohen si heronj ne një paradë që po mbahet për t’i nderuar ata. Gjatë këtij eventi, Clank i dhuron Ratchet një pajisje qe e lejon atë të udhëtojë nëpër dimensione të tjera, në mënyrë që ai të gjejë Lombax te tjerë si vetja.
Dr. Nefarious rikthehet si antagonisti i kësaj loje, duke ndërhyre për të grabitur këtë pajisje. Ai përpiqet të udhëtoje në një dimension tjetër ku ka fituar ndaj Ratchet & Clank. Në përpjekje e sipër Ratchet arrin të shkatërroje pajisjen, por kjo shkakton një përplasje dimensionesh dhe këtu nis aventura jonë.
Pas “hyrjes suaj në këtë aventurë multi-dimensionale”, ju do të njiheni me Rivet, e cila është një Lombax femër nga një univers paralel. Rivet është një reskin femër i Ratchet, me ngjyre lejla dhe një krah robotik. Fatmirësisht, kjo nuk ndikon historinë e lojës, pasi personalitetet e tyre janë mjaft te veçanta.
Emperor Nefarious, versioni i Dr. Nefarious ne kete univers paralel, ka arritur te pushtoje boten dhe te behet perandor. Nderkohe, Rivet dhe miqtë e saj janë pjese e Rezistences dhe po përpiqen ta luftojnë ate.
Gjatë aventurave tuaja ju do të luani si Ratchet ose si Rivet. Fatkeqësisht nuk do të keni mundësinë të zgjidhni cilin prej tyre mund të luani pasi ju bëni switch nga njëri tek tjetri në varësi të historisë.
Mënyra se si tregohet historia është pothuajse perfektë. Kjo eshte diçka e pritshme nga zhvilluesi Insomniac që njihet për zhvillimin e lojërave Spider-Man dhe Spider-Man Miles Morales, review e të cilave mund t’i gjeni në kanalin tonë të YouTube.
Mënyra e realizimit krijon një karakter të veçantë dhe unik si për Ratchet po ashtu dhe për Rivet. Ata, edhe pse ngjajnë shumë me njëri tjetrin nga ana fizike, kanë ndryshime të mëdha në karakter. Gjithashtu duhet të përmendim faktin që skenat kinematike ngjanin sikur po shikonim një film të animuar nga Pixar, diçka e cila na pëlqeu shumë dhe që ishte me të vërtetë e këndshme dhe e pritshme nga Insomniac.
Duke marre parasysh se loja i pershtatet te gjitha moshave, historia eshte e thjeshte dhe argëtuese, diçka me te cilën jemi mësuar nga lojërat e tjera te kësaj serie.
Ratchet & Clank: Rift Apart te përfshin totalisht ne te gjithë eksperiencën e saj. Kete gje ajo e ben duke kaluar nga skenat kinematike ne gameplay pa ndërprerje. Kete gje e mundëson PlayStation 5 duke hequr plotësisht loading screens ne loje. Insomniac ka arritur ta beje kete ne nje menyre qe ne nuk e kemi pare kurrë me pare, duke na lene me goje hapur. Nuk ka fjale qe ta pershkruaje kete.
Ratchet & Clank: Rift Apart vendos nje standard te ri ne industrinë e gaming. Kalimet midis skenave kinematike dhe gameplay, kalimet nga nje dimension ne tjetrin me boten përreth teje qe ndryshon plotësisht pa asnjë lloj ngecjeje ose vonese, si dhe kalimet nga nje arme ne tjetrën, secila me veçoritë e saj unike dhe me impaktin e saj ne bote eshte diçka marramendëse.
Ratchet & Clank: Rift Apart jo vetëm qe i sjell te treja këto, por i kombinon ato njëherësh ne menyre te detajuar dhe perfekte, duke sjelle nje eksperience shume te vecante te cilën ne shpresojme qe ta shohim ne lojërat e se ardhmes. Qe ta përmbledhim pak me mire, loja te jep nje ndjesi qe nuk mund ta kuptosh sic duhet nëpërmjet videos, pasi sipas nesh ajo sjell nje eksperience qe ju duhet ta provoni patjetër.
Edhe pse Ratchet & Clank: Rift Apart vendos një standard për lojërat e kësaj gjenerate, ne nuk patëm asnjë problem ose bug ne loje, përveç 2 ngecjeve te vogla thuajse inekzistente.
Si në çdo lojë të Ratchet & Clank, ju do të keni akses në afërsisht 20 lloje të ndryshme armësh të cilat hapen një nga një gjatë avancimit në historinë e lojës dhe mund t’i blini në shop të ndryshëm që do të hasni. Ato do t’iu ndihmojnë në raste dhe vende të ndryshme dhe mund t’i përshtatni sipas stilit tuaj të luftimit.
Gjithashtu mos harroni t’i bëni upgrade pasi iu lejojnë që të bëni buff aspekte të ndryshme të secilës armë. Ndër armët që ne na pëlqyen më shumë ishin Lightning Rod i cili nëse godet një kundërshtar, godet edhe të tjerët që ndodhet afër tij me elektricitet, si dhe Topiary Sprinkler i cili nëse lagte një prej kundërshtarëve tuaj, i mbulon ata me gjethe dhe i bën “stun” për disa momente.
Secila armë mund të kombinohet me një arme tjetër në mënyrë unike, duke iu dhënë edhe me shumë opsione. Por, pa dashur t’ju bëjmë spoil, çdo arme ne loje është e veçantë dhe ofron një stil gameplay për t’iu përshtatur çdo lojtari.
Gjate aventurave tuaja do te gjeni armor dhe collectibles te ndryshme. Ne hartën e planetëve shfaqen se sa collectibles dhe armor keni dhe se sa ju mbeten ne secilin planet, ndërkohë qe kur zbrisni ju shfaqen ne harte vendet ku ju mund t’i gjeni ato nëse jeni pranë tyre.
Armor në lojë ndryshon pamjen e personazhit dhe i jep atij perks te ndryshëm si me shume XP, me pak dem nga kundërshtarë te ndryshëm etj. Nderkohe, collectibles ju lejojnë te mësoni me shume për historinë Ratchet & Clank ose mund t’iu japin skins për armët tuaja.
Diçka e cila nuk na pëlqeu shumë ishte fakti që nëse blije ose bëje upgrade kur përdornit Ratchet, ju do ta kishin atë armë ose upgrade edhe tek Rivet. Mendojmë se do ishte më argëtuese nëse secili do të kishte armë të veçanta.
Një prej gjerave qe na surprizoi ne Rift Apart ishte fakti qe edhe pse personazhet janë te ndryshëm nga njeri-tjetri, ata kane te njëjtat aftësi, arme dhe stil loje. Progresi juaj me Ratchet gjithashtu kalon edhe tek Rivet dhe ne mendojmë se loja ka humbur mjaft potencial duke e limituar Rivet për të qenë thjesht një reskin i Ratchet.
Duke qenë një loje ekskluzive për PlayStation 5, Ratchet & Clank: Rift Apart mundohet te përdore ne maksimum veçoritë e controllerit DualSense dhe arrin ta beje këtë gjë ne mënyrë te suksesshme. Dridhjet e levës janë te detajuara dhe te ndihmojnë te përfshihesh me shume ne boten e lojës.
Ndërkohë, Haptic Feedback ndihmon shume ne gameplay. Nëse shtypni trigger(l2/r2) deri në gjysmë, disa armë do të kenë gjuajte më precize por më të ngadalta dhe nëse e shtypni deri në fund do të gjuani më shpejt por jo aq saktë. Rezistenca qe te jep controller-i i PS5 kur godet te bën te ndjesh çdo plumb qe lëshon.
Audio dhe kolona zanore ishte fantastike dhe përshtatet shumë bukur si gjatë skenave kinematike, gjithashtu edhe gjatë dyluftimeve ose aventurave të vogla që do të hasni rrugës. Sistemi i audios përdor 3D Audio te PS5, duke te ndihmuar te ndjesh çdo zhurme dhe lëvizje ne detaj.
Ratchet & Clank: Rift Apart ofron disa zgjedhje për sa i përket grafikave dhe performancës. Fidelity Mode iu ofron ray-tracing dhe nivel të lartë detajesh në 4K/30fps, ndërkohë qe Performance dhe Performance RT mode iu sjellin 60 FPS në një rezolucion më të vogël dhe nivel më të ulët detajesh. Ne kemi luajtur ne Performance RT për te patur 60FPS, pa humbur dhe detaje ne loje.
Nëse keni një televizor 4K, nuk keni arsye për të mos ta provuar Fidelity Mode, ndërsa te tjerëve do iu rekomandonim te përdornit Performance RT. Gjithsesi, ky është një aspekt që mund të përmirësohet në vijim, pasi Insomniac e solli Spider-Man: Miles Morales ne 4K 60FPS nëpërmjet një update.
Gjate 14 orëve qe ne luajtëm Ratchet & Clank: Rift Apart, e eksploruam lojën ne tërësi pa dashur të humbisnim asnjë detajë të botës së saj. Nëse doni që thjesht ta mbaroni, loja zgjat diku tek 10 ore.
Për ta përmbledhur, Ratchet & Clank: Rift Apart eshte nje prej lojërave me argëtuese qe mund te luani për te kaluar kohen tuaj dhe deri me tani është loja me e mire e lançuar për PlayStation 5. Loja do iu beje te ndiheni si fëmijë serish, ndërkohë qe mburr kapacitetin e PS5 ne mënyrë maksimale. Nëse jeni një nga ata pak qe kane fatin për te patur një PlayStation 5, kjo është një loje qe duhet ta keni me patjetër ne koleksionin tuaj.