Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Janë zbuluar plot 3 orë nga loja
Gearbox Software na dha ditën e djeshme pamjen e parë të gameplay-t në Borderlands 3, në një livestream i cili theksoi disa veçori që studioja ka implementuar në lojën e ardhshme, e cila mund të bëhet preorder qe tani dhe pritet të shfaqet në E3 e këtij viti.
Si fillim, duket se mënyra se si lëvizin personazhet është mjaft më e rrjedhshme dhe e rafinuar në krahasim me lojërat paraardhëse. Në Borderlands 3, do të keni mundësinë të kaloni sipër pengesave dhe terrenit të lojës, si dhe të rrëshkisni ndërsa vraponi, gjë që e bën lëvizjen e lojtarëve më dinamike.
Në demo gjithashtu u shfaq dhe 1 personazh i ri i quajtur Amara, rikthimin e Lilith dhe Claptrap, por dhe më shumë.
Gjithashtu, u konfrimuan disa prej detajeve të cilat u bënë leak në prill, sidomos përsa i përket armëve. Ato tanimë do të kenë pikë, të cilat e bëjnë fare të lehtë të dallosh se cila armë është më e fortë. Diçka shumë e nevojshme, duke parë se loja do të ketë një miliard armë. Gjithashtu, disa armë do të kenë dhe një “alternate fire“, çka në demo e lejonte një assault rifle të kthehej në një raketë-hedhëse.
Ndryshime kishte gjithashtu dhe në mënyrën se si funksionojnë aftësitë e lojtarëve në lojë, por edhe në multiplayer dhe co-op. Me gjithë këto ndryshime, Gearbox Software duket se ka menduar dhe për fansat e vjetër të serisë, duke përfshirë gjithashtu në lojë një Classic Mode, çka do e bëjë lojën të ketë një sistem loot-i dhe nivelesh të ngjashëm me Borderlands 2.
Megjithatë, veçoria më e veçantë dhe më kryesore e lojës ishte anija hapësinore e lojtarëve, e quajtur Sanctuary 3. Në të gjenden një infermieri, një bar me një kazino, dhoma individuale për 4 personazhet, si dhe një makineri që ndihmon në gjetjen e sendeve të humbura në hapësirë. Edhe pse lojtarët nuk mund t’a pilotojnë anijen manualisht, ata mund t’a përdorin atë për të shkuar nga një planet në tjetrin. Një prej planeteve të zbuluar në këtë demo ishte dhe Promethea, një metropol i cili në dukje është totalisht i ndryshëm nga shkretëtirat e Pandoras. Në të, lojtarët do të kenë mundësi të takojnë Zer0, një tjetër personazh që rikthehet në këtë lojë.
Në këtë event u fol gjithashtu edhe për mënyrën se si microtransactions dhe DLC do të funksionojnë në lojë. Randy Pitchford tha se loja nuk do të ketë asnjë microtransaction free-to-play e se ai shpreson që loja të jetë një sukses si për ata që e luajnë për herë të parë, ashtu edhe për fansat e vjetër të serisë.
Më poshtë mund të ndiqni livestreamin e plotë të Borderlands 3. Ne jemi padyshim të emocionuar për lojën e mezi po presim t’a provojmë atë. Po ju?
