Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një çift është arrestuar nga autoritetet amerikane për komplotin e pastrimit të 3.6 miliardë dollarëve crypto, e cila u vodh gjatë një hakimi të faqes së exchange të Crypto Bitfinex në vitin 2016.
Ilya Lichtenstein dhe gruaja e tij Heather Morgan planifikuan të pastronin të ardhurat e pothuajse 120,000 bitcoin të vjedhur. Pavarësisht transferimit dhe pastrimit të suksesshëm të rreth 25,000 bitcoin që nga hakimi, agjentët federalë ishin në gjendje të deshifronin një folder në cloud savings të Lichtenstein, i cili listonte më shumë se 2000 adresa të monedhave virtuale, duke zbërthyer skemën.
Analiza konfirmoi se pothuajse të gjitha adresat në dosje ishin të lidhura me hakimin e vitit 2016 dhe më shumë se 94,000 bitcoin u sekuestruan. Në atë kohë, ato vlerësoheshin në rreth 3.6 miliardë dollarë, duke e bërë këtë rimëkëmbjen më të madhe financiare të Departamentit të Drejtësisë në histori.
Çuditërisht, këta nuk ishin thjesht kriminelë të qetë dhe modest. Morgan është një repere që quhet Razzlekhan. Ajo pretendon se është “krokodili famëkeq i Wall Street” dhe thotë se “ajo është gjithashtu një CEO softuerësh, një shkrimtare, një ekonomiste dhe disa gjëra të tjera kontradiktore”. Morgan shkroi gjithashtu disa artikuj në Forbes, duke përfshirë një të titulluar me ironi, “Ekspertët ndajnë këshilla për të mbrojtur biznesin tuaj nga kriminelët kibernetikë”.
Çifti mund të përballet me deri në 20 vjet burg për komplotin për të kryer pastrim parash, në krye të akuzave për mashtrim të qeverisë (që mund të shtojë edhe pesë vjet të tjera). Në një deklaratë, Bitfinex tha: “Duam të shprehim vlerësimin tonë për përkushtimin dhe punën e palodhur nga ekipi i DD që çoi në këtë sukses të madh. Ne do të vazhdojmë të mbështesim përpjekjet e tyre.”
