Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas një thashethemi të ri, Naughty Dog, zhvilluesit e Uncharted dhe The Last of Us janë duke punuar në një IP të re për PS5 të quajtur Stray’s Cross, një lojë aksion aventurë first person në zhanrën e steampunk. Ideja se zhvilluesi prestigjoz është duke punuar në një IP të re nuk është fort surprizuese, mbi të gjitha kur merr parasysh faktin se ka marrë një shkëputje nga seritë e Uncharted. Gjithsesi kjo është hera e parë që ky thashethem qarkullon dhe sado që ka një mundësi që të mos jetë i vërtetë, sërish ja vlen për tu dëgjuar.
Sipas thashethemit, loja ende nuk ka një titull dhe emri Stray’s Cross është thjesht një emër i koduar për të. Siç mund ta dini The Last of Us Part II është post-apokaliptike dhe dizajni i saj konsiderohet të jetë mjaft realistik, ndaj është mjaft interesante të dëgjosh se Naughty Dog po kalon në dizajnin steampunk. Është e vërtetë se mund të arrish një lloj niveli të steampunk që të duket real, por zakonisht lojërat steampunk janë më fantastike në natyrën e tyre.
Mendohet të jenë dy protagoniste, një ish shkencëtare e talentuar që mahnitet me marrdhënien shkencore kohë-hapësirë, që do të zbulojë një të vërtetë të fshehur dhe një tjetër personazh, që supozohet të jetë një kriminel dhe një ish punonjës ndërtimi që është arrestuar, sepse ka mbrojtur një mik gjatë ballafaqimit me policinë.
Historia mendohet të fokusohet rreth një konflikti që ka zgjatur me vite të tëra dhe mënyrën se si ky konflikt do të sjelli fundin e shoqërisë që ne njohim sot.
“Historia fillon me takimin rastësor mes dy personazheve, në rrethana komplet të ndryshme, ku do të duhet që së shpejti të punojnë me njëri-tjetrin për të gjetur se çfarë po kërkojnë.”
Sipas këtij thashethemi, ky informacion mendohet të jetë zbuluar gjatë një mbledhjeje të fundit që Sony dhe Naughty Dog kanë mbajtur me njëri-tjetrin. Gjithsesi mos e merrni ende të mirëqenë këtë pa një konfirmim zyrtar. Interneti është plot me leaks, thashetheme dhe teori të ndryshme këto kohë.
