Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Thashethemet e kanë marrë një herë udhën që Microsoft dhe Nintendo ishin në bisedime për të sjellë Xbox Games Pass në Nintendo Switch. Sado që këto biseda mund të ketë ose mund të jenë ende duke ndodhur, asgjë nuk është thënë nga ana e Microsoft ose Nintendos në lidhje me këtë bashkëpunim. Më tej shumë raportime sugjeronin se ky njoftim ishte i pasaktë. Tani del që shefi i Xbox, Phil Spencer është i hapur ndaj kësaj mundësie, por nuk duket se do të ndodhë në ndonjë të ardhme të afërt.
Kur u pyet nëse Microsoft po përgatiste ndonjë gjë në lidhje me këtë, Spencer tha se për momentin skuadra është e fokusuar në rritjen e teknologjisë së streaming dhe në operimin në Android. Të sjellësh Xbox Game Pass në Nintendo Switch nuk është gjë e lehtë. Gjithsesi qëllimi me Xbox Game Pass është të sillet në sa më shumë platforma të jetë e mundur, ndaj ku i dihet në të ardhmen.
“Kam thënë se me kalimin e kohës dua që ta sjell Xbox Game Pass kudo. Pashë dikë që tha me shaka se po të mundja do e fusja dhe në një tostiere. Për momentin jemi të fokusuar te pjesa e streaming, të paktën në Android, sepse për momentin është vështirësia më e madhe për ne ngaqë shtrihet në shumë platforma.” Është shprehur Spencer. Ai vazhdoi duke thënë:
“E dua shumë rolin që Nintendo luan në këtë industri, por ajo platformë ka mjaftueshëm ndryshime nga Xbox dhe është një sfidë më vete vetëm të thuash që.. ok, do i fus të gjitha lojërat aty. Është diçka që bëhet, por thjesht nuk është në fokusin tonë momentalisht.”
Pra siç mund të kuptohet qartazi, nuk do ta shohim Xbox Game Pass në Switch në ndonjë të ardhme të afërt.
