Valve mund të sjellë një shërbim të ngjashëm me Stadia

E gjithë teoria bazohet në një emër.

Valve mund të jetë duke punuar me një shërbim të ri cloud-based për Steam. Kjo gjë është zbuluar nga një kod në website-in e kompanisë.

Steam Database, që ndjek në mënyrë aktive ndryshimet në Steam dhe në lojërat e Valve, vërejti një kod të website-in e Valve, që i kërkon parterëve të tij të bien dakord me “Steam Cloud Gaming Addendum.” 

Është vështirë të dimë se çfarë mund të jetë ekzaktësisht ky shërbim me vetëm një emër të dhënë, por gjithmonë mund të hamendësojmë. Duket tepër e mundur që një shërbim i quajtur literalisht “Cloud Gaming” në kodin e Valve të jetë i ngjashëm me trajtat e Google Stadia ose Microsoft xCloud. 

Një projekt i tillë nga ana e Valve do të kishte sens, sepse do të plotësonte opsionet streaming të tanishme në Steam. Tashmë mund t’i bëni stream lojërave me Steam Remote Play, Steam Link dhe Steam Link Anywhere, por në të treja këto raste, PC juaj duhet të sillet si një server. Implementimi i idesë së mësipërme do e eleminonte këtë nevojë.

Gjithmonë ekziston edhe mundësia që Steam Cloud Gaming të jetë një ribrandim i shërbimeve që Steam tashmë ofron, por do të ishte e pazakontë që ribrandimi i shërbimeve ekzistuese të kërkonte parterët e Valve të firmosnin marrëveshje të reja.