Valve konfirmon Half-Life: Alyx

Half-Life: Alyx është realisht loja e re VR e Valve.

Half-Life: Alyx është konfirmuar. Pas shumë thashethemeve Valve konfirmoi  se loja e tyre VR është një perspektive e re në universin e Half-Life. Detajet e mëtejshme mbi të do të zbulohen të enjten e 21 nëntorit dhe jo gjatë Game Awards siç u sugjerua fillimisht.

Njoftimi i konfirmimit të saj në Twittter erdhi menjëherë pas transkriptit midis krijuesit të Game Awards Geoff Keighley, Robin Walker nga Valve dhe një personi të tretë që nuk i është publikuar emri. Në të Keighley thotë: “March 2020, ‘Half-Life: Alyx’ comin’ out.”

Kur u pyet nëse loja do të ishte e disponueshme vetëm për VR, personi i tretë tha: “Do të donim shumë që të sillnim një version të kësaj loje që mund të luhet me maus dhe tastierë, por siç thashë, e gjitha filloi si një VR.“

Nuk është ende e qartë se nga ka ardhur intervista në fjalë, por mendohet që burmi të jetë i njejtë me leaks-at e Dota Underlords. Sipas dorëshkrimit Half-Life: Alyx do të prezantohej në Game Awards, që do të mbahet në 12 dhjetor, por si duket do t’i marrim më herët detajet për të.