Valve ka refuzuar kërkesën e zhvilluesit të World War Z për të ribërë Half-life 2

Saber Inteactive kapi një kontratë shumë të mirë me adaptimin e saj të World War Z, që u lançua para pak këtij viti. Gjithsesi studioja i kishte sytë në një vend tjetër, në Half-Life 2 për të qenë më të saktë.

Gjatë një interviste, CEO i studios dhe një nga themeluasit e saj, Matthew Kirch, thanë se studioja kontaktoi fillimisht Valve me qëllim për të ribërë Half-Life 2.

“Kontaktova me Gabe Newell personalisht, sepse e njoh atë person prej shumë kohësh dhe i thashë që dua të ribëj Half-Life 2. Kjo është gjithçka që dua të bëj. As nuk do të kërkoj fare para për këtë. Thjesht dua ta bëj sepse e dua shumë atë lojë.”

Fatkeqësisht për Kirch dhe pjesën tjetër të komunitetit të Half-Life, përgjigjia e tij ishte negative. Pak për të ardhur keq në fakt, mbi të gjitha për faktin se Half-Life 2 po fillon ta tregojë pak moshën. Gjithsesi kur shohim se sa hype tregojnë njerëzit mbi çdo gjë që lidhet me Half-Life 3, dyshojmë se Valve do të ndërmarrë ndonjë rrezik me 2-shin.