Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sistemi ranked në Valorant ka nevojë për ndryshime
Kanë kaluar rreth dy javë që prej ardhjes së ranked në Valorant, por komuniteti ka filluar ta kritikojë sistemin dhe mënyrën se si ai vendos përballë ekipet. Shumë streamer-a kanë ngritur problemet që dalluan, përfshirë këtu edhe Myth, i cili tha se të luash solo queue kompetitive është si të sabotosh rankun tënd.
Shumë lojtarë refuzojnë të luajnë ranked vetëm, duke qënë se lojtarët duo përfundojnë kundër grupeve me 4-5 lojtarë. Kjo mund të jetë problem sidomos në ranks më të larta, ku komunikimi dhe koordinimi ndryshojnë shumë. Problemi gjendet gjithashtu edhe në lojëra të tjera FPS si Counter-Strike. Sipas Hiko, të gjitha lojërat kompetitive 5v5 vuajnë nga kjo gjë dhe nuk ka patur kurrë një zgjidhje.
Megjithatë, duket se loja tjetër e Riot Games, League of Legends, e ka zgjidhur këtë gjë dhe sistemi i saj duhet të vijë edhe në Valorant.
Kur lojtarët e Valorant luajnë vetëm, ka disa porbleme për të cilat ata duhet të mendojnë përveç gameplay. Këtu gjithashtu ata po mendojnë edhe nëse ekipi kundërshtar ka një premade. Kjo e bën të padrejtë ndeshjen kur një ekip ka më shumë mundësi për komunikim. Për këtë arsye, ekipi me lojtarë solo do të jetë në një disavantazh të madh. Kjo gjithashtu nuk i lejon lojtarët të arrijnë një rank të saktë, pasi lojtarë më të dobët mund të bëhen carry në ekipe premade.
Problemi tjetër është se kjo gjë mund të ndodhë dhe në ekipin tënd dhe ti si lojtar i vetëm mund të jesh i detyruar të luash me më pak informacion se shokët e tu të ekipit që ndodhen në call. League of Legends kishte të tilla probleme fillimisht, gjë që shtyu Riot të ndante queues në solo dhe me ekipe.
Solo-Duo Queue në League of Legends e kanë ndihmuar shumë lojën dhe pritet që ato të kenë të njëjtin efekt edhe në Valorant. Lojtarët gjithsesi do të komunikojnë me zë me ekipin e tyre dhe secili ekip do të ketë një përbërje të ngjashme. Ndërkohë, ranked queues me ekipe do të vendosin përballë ekipe me 5 lojtarët ndaj ekipeve të tjera, duke i bërë lojërat më të barabarta, ndërkohë që ndeshjet do të vendosen nga komunikimi mes lojtarëve.
Gjithashtu, Riot duhet të vendosë ranks të ndryshëm për çdo queue. Momentalisht, ranku juaj në Valorant varet nga performanca. Pra, edhe nëse humbisni, mund të ngrini MMR tuaj duke luajtur mirë. Ky sistem mund të vazhdojë të përdoret në solo queue. Megjithatë, në ranked teams, MMR duhet të varet më shumë nga mënyra se si ata luajnë në ekip. Kjo pasi shumë lojtarë janë ankuar se nuk mund të luajnë me shokët pasi MMR e tyre bie shumë pas disa lojërave të këqija.
Nëse ranked teams mund të bazohet më shumë tek performanca e ekipit, atëherë lojtarët e të njëjtit grup mund të kenë MMR të ngjashme me njëri-tjetrin, duke qënë se ekipi po fiton dhe po humbet së bashku.
Gjithsesi, në fund të ditës, Valorant mbetet në closed beta dhe Riot ka ende kohë të bëjë ndryshime drastike. Megjithatë, nuk duket se ata do të kërkojnë shumë për të gjetur zgjidhje.
