Hidhen shenja drejt agjentes më të re të Valorant

Të paktën mund të themi që asaj i pëlqen ngjyra lejla…

Riot Games ka hedhur shenjat e para drejt agjentes së 11 të Valorant, e cila pritet të vijë në lojë kur ajo të lançohet javën e ardhshme. Agjentja është një femër me sy, flokë dhe veshje lejla. Nuk dihet asgjë tjetër mbi të, emrin ose armët e saj, por deri tani mund të themi që duket mjaft interesante.

Agjentja u zbulua në fund të një videoje të postuar nga llogaria braziliane e Valorant në rrjetet sociale. Agjentja e re gjithashtu mund të shihet në artin e ri të postuar nga Riot Games, i cili tani shërben si header për llogarinë @PlayVALORANT në Twitter.

Imazhet në video janë deri diku të errëta, por një përdorues i Twitter rriti brightness duke na treguar një pamje më të qartë të agjentes.

Riot konfirmoi se një agjente e re do të vinte në lojë gjatë javës së kaluar, së bashku me harta dhe modes të reja. Beta mbaroi ditën e djeshme dhe nuk do të ketë më patch-e në lojë derisa ajo të lançohet më 2 qershor.