Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Lojtarët e GTA Online mendojnë se kanë gjetur të dhëna nga Rockstar games për GTA 6 në disa nga update-et e fundit të lojës. Sado që ato nuk kanë qenë me shumicë, për të mos thënë aspak të mjaftueshme që të shërbejnë si provë për GTA 6, fansat prapë kanë analizuar çdo detaj të vogël që Rockstar Games u ka dhënë.
Hype-i i madh rreth Grand Theft Auto 6 është ndihmuar shumë edhe nga leaks që kanë sugjeruar informacione mbi historinë, personazhet dhe vendosjen e lojës. Sigurisht që asnjë prej tyre nuk kanë patur prova të mirëfillta mbështetëse, por disa fansa besojnë se Rockstar ka qenë duke hedhur shenja drejt diçkaje specifike përmes GTA Online.
Përdoruesi Benefactor69 ka shpjeguar se si zhvilluesit kanë shtuar automjete të reja në lojë, në të njejtën mënyrë që bënte edhe GTA IV përpara se të dilte GTA V. Në atë kohë, sipas tij, disa makina viheshin qëllimisht të papërfunduara grafikisht, për të indikuar diçka që do të vinte në të ardhmen.
Sigurisht që tani me GTA Online është një histori tjetër, pasi të gjitha makinat janë të një standarti më të lartë, por prurjet e fundit në lojë janë pak të një periudhe pak më të vjetër. Përshembul ‘Weeny Dynasty’ nga update-i i 17 tetorit, duket më shumë si një makinë nga Grand Theft Auto: Vice City se sa si një makinë moderne e Los Santos.
Teoria e tij gjithsesi nuk u mbyll me aq. Ai vijoi të shpjegonte se si Doomsday Heist supozohej të ishte DLC-ja e fundit e GTA Online, por në fakt u ndoq nga Diamond Casino, që ka idenë e viteve ’80 përgjatë historisë dhe detajeve stilistike.
“Nëse Rockstar është duke përdorur kontentin nga GTA VI për të plotësuar disa nga update-et e GTA Online, do të dukej përfundimisht sikur janë duke sugjeruar një sfond pak retro.” Tha përdoruesi duke përmbyllur teorinë e tij.
Tani, nëse doni ta besoni këtë rrjedhë llogjike është e gjitha në dorën tuaj, por sinqerisht nuk do të thonim që është edhe aq e besueshme. Gjithsesi mbetet të shohim në të ardhmen nëse ka qullosur ndonjë gjë apo jo.
