Një tjetër Ubisoft Forward do të mbahet në shtator, me shumë gjasa për Rainbow Six Quarantine

Quarantine dhe Gods & Monsters janë planifikuar të lançohen përpara marsit të 2021.

Ubisoft Forward i ardhshëm do të mbahet në shtator. Kjo u konfirmua sot nga kompania gjatë mbledhjes së saj për fitimet e Q1. Nuk u dha asnjë datë ose informacion i mëtejshëm specifik, por me shumë gjasa do të zbulojmë më shumë për Rainbow Six Quarantine dhe Gods & Monsters, dy lojërat që munguan në prezantimin e këtij muaji.

Kur u pyet specifikisht për këto dy lojëra gjatë mbledhjes, CEO i Ubisoft, Frédérick Duguet konfirmoi se të dyja ato ishin ende të programuara për tu lançuar gjatë vitit fiskal, që do të mbyllet në mars të 2021. Është e mundur që një prej tyre të shtyhet për në vitin e tjetër fiskal. Kjo do të thotë që loja që do të vonohet do të lançohet mes periudhës prill 2021 dhe mars 2022.

Duguet gjithashtu tha se shumica e stafit global të Ubisoft janë ende duke punuar nga shtëpia, por se punonjësit gradualisht po kalojnë në zyrat e tyre në Francë dhe Kinë. “Deri më tani jemi të lumtur me progresin, por është ende diçka që po e monitorojmë në baza javore,” tha ai.

E njoftuar fillimisht në E3 2019, Rainbow Six Quarantine është një shooter competitive PvE  me zombis e planifikuar fillimisht për tu lançuar “përpara prillit të 2020s.” Gods & Monsters gjithashtu u njoftua në E3 2019 dhe është një open world RPG nga studioja që ka punuar me Assassin’s Creed: Odyssey.