Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pattinson, 34-vjeç, asnjëherë nuk e ka kujtuar me shumë mall kohën e tij si vampir vezullues në rolin e Edward Cullen në Twilight. Ai e ka quajtur masivitetin e fansave si diçka e “frikshme” dhe ka thënë se ka kaluar një kohë të gjatë duke e urryer atë periudhë të jetës së tij.
E gjithë kjo mund të ketë ndryshuar gjithsesi, teksa ai përgatitet për rolin e Batman.
Super detektivi i DC është një nga heronjtë më të njohur të botës. Nuk ka njeri në këtë tokë që nuk e njeh emrin e Batman. Për këtë arsye ka një presion të natyrshëm që vjen kur duhet të ndjekësh hapat e emrave si Michal Keaton, Christian Bale, Adam West dhe Ben Affleck.
Për Robert Pattinson, kjo nuk është diçka e re. Twilight e ka përgatitur atë për një bazë të çmendur fansash. Në fakt ai e pret me krahë hapur presionin e madh të Batman.
Ai vazhdoi duke thënë se nuk do të ishte në industrinë e filmave nëse nuk do të donte ta shtynte veten në nivelet më të larta: “Çuditërisht më pëlqeu kjo gjatë Twilight… ideja që mund të prishësh çdo gjë. Besoj se kisha vetëbesim shumë të lartë. Doja të isha në skenën e madhe.”
“Çfarë është e rëndësishme për mua në këtë film të ri të Batman, është se ti tashmë i di shumë nga historitë e tjera se si ati duhej të mjeshtëronte veten dhe frikërat e tij për tu bërë Batman. Personazhi në këtë pikë është versioni më i mirë i vetes së tij që mund të jetë.”
Pattinson raportohet të ketë firmosur kontratën vetëm për një film të Batman. Ai do të fitojë rreth $5 milionë për rolin e tij.
