Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Fatmirësisht nuk do të presim gjatë
Gjatë State of Play të 10 dhjetorit, PlayStation zbuloi sekondat e para të trailer-it të ri të Ghost of Tsushima, i cili u mbyll në mënyrë papritur përpara pjesës më të bukur. Momentet e fundit të trailer-it thonin “To be continued” dhe PlayStation zbuloi se trailer-i i plotë do të zbulohet këtë vit në Game Awards, që do të mbahen në 13 dhjetor në vendin tonë.
Në fragmentin e trailer-it që morrëm, i cili nis në 25:48 në transmetimin e State of Play, shohim një tym të zi që shfaqet mes degëve të një pylli të bukur. Më pas, kamera kalon tek një grup mongolësh që po udhëtojnë me një karrocë të rëndë. Lideri më pas ndalon kur shikon siluetën e një personi, i cili zbulohet se është personazhi kryesor i lojës, Ghost of Tsushima ose Jin Sakai, samurai i fundit i Japonisë.
Lideri mongol dhe njerëzit e tij nxjerrin shpatat. Jin gjithashtu nxjerr armën e tij dhe ja drejton mongolëve. Mongolët sulmojnë dhe Jin ul shpatën dhe përgatit një fishekzjarre që e hedh në tokë për t’u fshehur. Këtë nuk e dimë me siguri, pasi këtu trailer-i ndërpritet.
Ghost of Tsushima zhvillohet në ishullin Tsushima në 1274, gjatë pushtimit të parë mongol të Japonisë. Si samurai i fundit, Jin kupton se duhet të braktisë kulturën e luftimit me nder për të larguar armiqtë. Për të qënë i suksesshëm, ai duhet të ndjekë rrugën e fantazmës dhe të luftojë duke përdorur hilet, mashtrimet dhe fshehtësinë. Duke marrë parasysh historinë, Ghost of Tsushima mund të jetë një histori fiktive se si samurait lindën ninjat, por zhvilluesi Sucker Punch nuk e ka konfirmuar këtë gjë.
