Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pasi klonoi Snapchat, Facebook tani i ka sytë drejt TikTok.
Sot transkripte dhe klipe audioje u bënë leak nga mbledhja e Mark Zuckerberg në korrik me punonjësit e tij. Kjo seancë zbuloi shqetësimet e tanishme të Mark, përfshirë këtu anticipimin për përballjen me Elizabeth Warren, që ka në plan të fundosë kompani gjigande teknologjike që përdorin praktika antikompetitive ilegale. Ky leak tregoi edhe një tjetër kompani që Facebook ja ka vënë syrin, duke vërtetuar se gjigandi i rrjeteve sociale nuk ka frikë të vjedhë çdo tipar të veçantë të një aplikacioni popullor.
Pasi e klonoi Snapchat nga koka te këmbët, Facebook i ka patur sytë te TikTok për një kohë të gjatë. Kompania tashmë është duke i rënë nga pas aplikacionit të videove për të konkuruar me popullaritetin e tij.
Facebook e lançoi aplikacionin konkurent të TikTok, Lasso, në nëntor të vitit të shkuar. Në mbledhjen që është bërë leak Zuckerberg shprehet se plani është për ta lançuar aplikacionin në Meksikë, ku TikTok nuk është i famshëm, për ta testuar, përmirësuar dhe më pas ta lançojë në vende të tjera ku mund të konkurojë me TikTok.
Kur u pyet nëse shefi i Facebook është “i shqetësuar për rritjen e influencës së TikTok në adoleshentë dhe Gen Z,” Mark tha:
“Okej, TikTock është duke ja dalë mirë. Një nga gjërat që vihet re veçanërisht te TikTok është që fillimisht interneti kishte disa kompani që ishin kryesisht Amerikane. Më pas kishim një univers paralel të kompanive Kineze që pak a shumë thjesht i ofronin shërbimet e tyre në Kinë. Pastaj kishim Tencent që tentoi të përhapte shërbimet e tij në AzinëJuglindore. Alibaba ka përhapur disa nga shërbimet e tij në Azinë Juglindore. Pra përgjithësisht, përsa i përket zgjerimit global kompanitë kanë patur limitet e tyre. TikTok pastaj që është ndërtuar nga një kompani e quajtur Beijing ByteDance është një nga produktet e vetme të një kompanie Kineze që po merr përhapje të mirë globale. Gjithashtu po ja del mirë edhe në US, mbi të gjitha me njerëzit e rinj. Në Indi po rritet shumë shpejt. Mendoj se e ka kaluar Instagram në Indi, ndaj duhet ta pranoj që është një fenomen shumë interesant.
Ne mendojmë se është pak a shumë si Explore Tab që kemi në Instagram, që sot është kryesisht për postet në feed. Unë e mendoj TikTok si një Explore për stories. Kemi disa mënyra përqasjeje ndaj kësaj situate dhe kemi një produkt të quajtur Lasso, që është një aplikacion më vete që ne po punojmë. Këtë do e fusim në tregun Meksikan. Do të shohim nëse mund ta bëjmë aplikacionin të funksionojë në vende ku TikTok nuk ka marrë popullaritet dhe më pas do e vëmë të konkurojë në vende ku TikTok është i madh.“
Zuckerberg gjithashtu shton se kompania po merr shumë hapa për të përdorur popullaritetin e Instagram për të luftuar kundër TikTok, duke e vënë fokusin në Explore tab.
“Jemi duke kryer përqasje të ndryshme me Instagramin, duke e fokusuar Explore tab te Stories, që pak a shumë po bëhet mënyra primare që njerëzit konsumojnë kontentin e Instagram.”
Se si do të shkojnë planet e Facebook për të ardhmen kundër TikTok mbetet të na e tregojë koha. A do të vazhdojë gjigandi i rrjeteve sociale të zgjerojë monopolin e tij?
