The Last of Us II do të zbulohet këtë muaj

Një media event në 24 shtator pritet të zbulojë detaje të mëtejshme për lojën.

Një nga misteret më të mëdha në botën e videolojërave sot është data e lançimit për një nga lojërat më të shumëpritura të historisë… jo nuk po flasim për GTA 6, aty sja kemi akoma haberin, por The Last of Us është padyshim më afër se ç’duket.

Më vonë gjatë këtij muaji një media event do të mbahet për lojën. Ishte Geoff Keighley ai që e bëri të ditur këtë përmes një postimi në Twitter. Ai postoi një imazh që thonte se ky event do të mbahet në 24 shtator në Los Angeles.

Ky event mund të jetë shumë mirë i organizuar për të treguar gameplay-in e lojës, por duke qenë se asgjë nuk është përmendur zyrtarisht në njoftim, shumë prej fansave po hamendësojnë se e vetmja gjë që do të zbulohet do të jetë data e lançimit. Gjithsesi është media event, ndaj duhet të ketë se sbën diçka më shumë se thjesht një datë lançimi.

Duke qenë se nga ana e Naughty Dog ka patur një heshtje totale mbi The Last of Us Part II, leaks që sugjeronin data të ndryshme lançimi nuk kanë munguar. Disa kanë thënë se loja do të vijë në shkurt të 2020s dhe disa të tjerë sugjerojnë se do të vijë në maj.

Gjithsesi duke marrë parasysh që ka qenë Jason Schreier ai që e ka sugjeruar shkurtin e 2020s si datë lançimi, do të anonim më shumë nga fjalët e tij. Gjithsesi mbetet ta zbulojmë gjatë eventit të 24 shtatorit.

Last of Us Part II është momentalisht në zhvillim për PlayStation 4.