F1 2018 mban kryen e shitjeve në UK

Jemi në fillimin e një prej muajve më të ngarkuar të vitit për lojëra, dhe tabela javore fizike e Mbretërisë së Bashkuar po fillon të shohë disa ndryshime. Një grusht lojërash të reja u lançua javën e kaluar, por vetëm disa prej tyre arritën të futeshin në top 10.

Më e rëndësishmja, PES 2019 ka debutuar në vendin e dytë, ndërsa F1 2018 gëzon një javë tjetër në krye. Ndërkohë që kjo mund të duket një rezultat i mirë për titullin e futbollit të Konamit, një numër i caktuar i lojërave nga GamesIndustry tregon se shitjet e video-lojës janë 42% më të ulëta se vitin e kaluar. Nëse kjo është për shkak të humbjes së liçensës së Champions League është e vështirë të thuhet, por sigurisht që edhe ky fakt nuk ka ndihmuar shumë.

Diku tjetër, Yakuza: Kiwami 2 është në një pozicion të mirë në numrin 5, poshtë Crash Bandicoot N. Sane Trilogy. Shenmue I & II ka rënë deri në të 33-tin pas debutimit në vendin e dytë javën e kaluar. Lëshime të tjera të reja përfshijnë Firewall Zero Hour, Strange Brigade dhe Divinity: Original Sin II – Definitive Edition të gjithë në renditjen nën top 10-she, në 11, 16 dhe 23 respektivisht.

Listat e shitjeve në Mbretërinë e Bashkuar: Java që përfundoi më 1 shtator 2018

1. F1 2018
2. PES 2019
3. Grand Theft Auto V
4. Crash Bandicoot N. Sane Trilogy
5. Yakuza: Kiwami 2
6. Mario Kart 8 Deluxe
7. PlayerUnknown’s Battlegrounds
8. God of War
9. Monster Hunter Generations Ultimate
10. FIFA 18