Steam tashmë mund të krijojë vetë një shfaqje mbi lojërat më të mira

Steam Labs është veçoria më e re që vjen në Steam

Është shumë e vështirë që të mbash mend çdo lojë në Steam dhe këtë problem duket se e ka hasur dhe Valve, që ka kohë që punon për mënyra për të zbuluar lojëra nëpërmjet algoritmeve. Valve duket se ka planifikuar që këto eksperimente t’ua japë lojtarëve sa më shpejt, që ata të kenë mundësi të provojnë sa më shumë veçori ndërkohë që presin për ridizajnin e Steam Library.

Steam Labs tashmë është lançuar dhe brenda tij mund të gjeni 3 eksperimente. I pari është një koleksion trailer-ash të shkurtër, i ngjashëm me bots në mediat sociale që postojnë klipe 6-sekondëshe. Këto Micro-Trailer mund të nisin kur ti kalon mausin mbi to, mund të nisin automatikisht ndërkohë që ti kërkon lojra, ose në formën e një rrjete me momente të ndryshme nga loja.

Eksperimenti më i çuditshëm dhe më interesant është padyshim Automatic Show, i cili do të krijojë një transmetim 30 minuta të gjatë me pamje nga lojëra të reja dhe popullore, duke i prezantuar ato në një format të përmbledhur. Valve dëshiron që ato të kenë zëra që lexojnë përshkrimet e lojërave në Steam, por duket se zërat e parë kanë qënë shumë robotikë dhe nuk janë pëlqyer.

Interactive Recommender është një tjetër lloj algoritmi i lidhur me dyqanin, i cili bazohet tek historia e lojërave që ti ke luajtur dhe të lejon ta ndryshosh atë. Mund të vendosësh një limit kohor se sa të reja do që lojërat e rekomanduara të jenë, sa popullore dhe gjithashtu mund të limitosh zhanrin e lojërave që shfaqen.

Zakonisht, rekomandimet e Steam bazohen kryesisht mbi zhanret dhe tags, por këto rekomandime janë ndryshe. Sipas Valve, “ato shikojnë se çfarë lojërash ti dhe njerëzit e tjerë luajnë dhe jep rekomandime të bazuara tek mendimet e njerëzve që luajnë këto lojëra në Steam“.

Duke qënë se të gjitha këto veçori janë eksperimente, ka mundësi që të gjitha të ndryshojnë. Valve pret mendimet e lojtarëve për të gjitha ato për përmirësime të mëtejshme.