Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Play Next” shikon lojërat që ju keni dhe ju tregon se çfarë tjetër duhet të luani
Steam Labs është një segment i Steam ku Valve zhvillon eksperimente të ndryshme me qëllim për ta bërë Steam më të lehtë për t’u përdorur. Një prej eksperimenteve më interesante deri më tani ishte Interactive Recommender, i cili përdorte machine learning në vend të tags për të gjetur se çfarë lojërash ju duhet të bleni.
Eksperimenti më i ri, Play Next, ka një funksion të ngjashëm dhe përdor të njëjtën teknologji si Interactive Recommender. Por, në vend që të kërkojë lojëra që ju duhet t’i bleni, ai kërkon në librarinë tuaj për të gjetur lojëra që ju më në fund duhet t’i luani.
Faqja Play Next liston tre lojëra nga libraria juaj të cilat ajo mendon se ju duhet të luani, secila me një microtrailer (një tjetër eksperiment), tags dhe një listë të shkurtër me lojëra të ngjashme për t’ju dhënë një ide se si do të jetë loja. Nëse mendoni se mund të zgjidhni më mirë, butoni Next Picks shfaq tre lojëra të tjera. Nuk dihet nëse ka një limit për numrin e rekomandimeve ose nëse numri i tyre do të varet nga numri i lojërave që keni blerë.
Valve thotë se mund të ketë disa probleme ndërkohë që ata përpiqen të përmirësojë sistemin.
