Sony tregon fuqinë e PS5 përmes kësaj videoje krahasuese me PS4 Pro

Hera e parë kjo që e shohim konsolën në punë.

Në Corporate Strategy Meeting të 2019s Sony doli në skenë dhe tregoi përmes një videoje ndryshimin e performancës mes PlayStation 5 dhe PlayStation 4 Pro. Gjigandi japonez na ka ilustruar me më shumë detaje për konsolën e gjeneratës së ardhshme.

Përmes kësaj videoje mund të shohim për herë të parë performancën e konsolës. Takashi Mochizuki e postoi videon në Twitter duke shkruar poshtë se ky ishte krahasimi zyrtar i Sony për performancën e PS5 me PS4 Pro.

Nga çfarë shohim në video loading time në PS5 përshtatet fiks me atë që Mark Cerny ka thënë në deklaratën e tij. PS4 Pro i duhen ekzaktësisht 8.10 sekonda për të bërë load Manhattan në lojën e Spider-Man. PlayStation 5 nga ana tjetër i duhen 0.83 sekonda për të bërë të njejtën gjë. Përmirësim super i madh ky për gjeneratën e ardhshme.

Duhet të shtojmë se Sony nuk përmend PS5 në video dhe gjatë gjithë kohës deri tani, në çdo deklaratë dhe ilustim ka përdorur fjalët “konsola e gjeneratës së ardhme”. Ndaj do të ishte e natyrshme të prisnim ndonjë ndryshim emri.

Sony gjithashtu konfirmoi se të bërit stream do të jetë një pjesë shumë e rëndësishme e PlayStation në të ardhmen. Në rast se nuk e keni marrë vesh ende Sony dhe Micrsoft do të bëjnë një bashkëpunim në të ardhmen, ndaj ndoshta do të ketë lidhje me këtë.

Në videon e mësipërme mund të shohim se Sony shfrytëzon në maksimum SSD. Sipas Mark Cerny PS5 do të ketë një çip AMD të bazuar në 3rd gen Ryzen dhe një CPU prej 7nm 8-core. Krahas këtyre konsola do të mbështesë edhe ray-tracing edhe grafika 8k.

Një datë lançimi për PS5 ende nuk është konfirmuar, por konsola pritet të vijë në 2020ën.