Six Invitational 2021 do të sjell ndryshime në R6S

Ndryshime të tjera priten së shpejti në Rainbow Six Siege për ketë vit

Eventi më i madh i Rainbow Six Siege, Six Invitational, do të vijë së shpejti dhe mesa duket bashkë me të do të vijnë disa ndryshime dhe gjithashtu do të prezantohen shumë të tjerë. Një prej ndryshimeve kryesore i cili do të vijë së shpejti është harta Stadium i cili ka ndryshuar shumë së fundmi.

Nëpërmjet një posti në blog, Ubisoft ka zbuluar ndryshimet që ka bërë në hartën Stadium. Gjatë Six Invitational 2020, Stadium ishte një kombinim tepër i bukur i hartave si Hereford Base dhe Oregon. Kësaj here nga postimi i bërë në blog kuptojmë se ketë herë harta do të përfshijë elementë nga Border dhe Coastline.

Gjithashtu kjo gjë tregon se Border dhe Coastline do të marrin një rework gjatë këtij viti pasi edhe Oregon i cili u përfshi gjatë vitit të kaluar mori një rework. Kjo është diçka e mirë pasi shumë lojtarë dhe fansa të Rainbow Six Siege kanë kërkuar ndryshime ose rework të këtyre hartave.

Border është një hartë e cila favorizon shumë defenders duke iu dhënë mundësinë atyre të krijojnë taktika të shumta kundër attackers dhe gjithashtu në të njëjtën kohë duke i limituar shumë attackers. Për sa i përket Coastline, mund të themi që favorizon shumë attackers pasi çatia e hapur dhe hyrjet e shumta i mundësojnë attackers shumë mundësi për të fituar.

Harta e re Stadium nuk ka ardhur akoma dhe pritet të vijë së shpejti. Për sa i përket rework të Coastline dhe Border, ato priten të prezantohen gjatë Six Invitational 2021 dhe të them të drejtën mezi po i pres pas vuajtjeve të shumta si attacker në Border dhe si defender në Coastline. Gjithçka që na ngelet është të presim dhe të shohim se cfarë ka në plan Ubisoft për R6S.