Shikuesit ne YouTube kane pare 5.7 milion vite video rreth gaming vetem gjate vitit 2018

Videolojrat janë të njohura në YouTube dhe kjo nuk është dicka e padëgjuar, por shifrat qe kjo kompani ka nxjerrë për 2018 janë pothuajse të pabesueshme. Vetëm vitin e kaluar janë parë 50 miliardë orë video me permbajtje gaming. Disa llogaritje të shpejta e përkthejnë atë në 5,7 milion vjet duke pare trajlera, walk through lojrash dhe live stream të Fortnite.

Ryan Wyatt, shefi i departamentit te lojrave në YouTube, thotë se ky është viti më i suksesshem. “Ne kemi 200 milionë përdorues të regjistruar në shikimin e videove për lojrat çdo ditë. Ne jemi të emocionuar për disa nga produktet që ne do te lancojme. Jemi në një moment të rëndësishëm ku kemi arritur në 50 miliardë orë shikimi të lojrave në 12 muajt e fundit”.

Në intervistën e plotë me VentureBeat, Wyatt gjithashtu diskuton për 10 videot më të mira të lojrave të vitit – ato përfshijnë pesë video Fortnite, një çift të trailers Nintendo, lojëra Fallout 76, multiplayer Black Ops 4, dhe një video ku disa policë u përpoqën të luajnë GTA5 pa shkelur asnjë ligj. “Nga këndvështrimi im, të gjitha videot tregojnë shumëllojshmëri të gjerë. Jane gameplay, trailers. Janë bashkëpunime te krijuesit me publikuesin “.

Pavarësisht prezencës masive të Fortnite, ajo është ende loja e dytë më e madhe në YouTube, sipas kompanisë. Ne kemi dëgjuar gjëra kontradiktore rreth Minecraft kundrejt betejës Fortnite në shërbimin e videove, por kjo konfirmon se ndërtuesi i blloqevep është ende në krye.

YouTube ka pasur një marrëdhënie jo të mirë me krijuesit e saj gjatë vitit të kaluar, veçanërisht në lidhje me monetarizimin, dhe Wyatt thotë se kompania “absolutisht” i ka adresuar këto probleme. ” Krijuesit po monetarizojnë videot në mënyrën më të mirë te mundshme në platformë. “Ai shton se” ne do të vazhdojmë përmirësimin dhe futjen e opsioneve të reja “.

Nëse këto përpjekje janë të mjaftueshme mbetet një temë e debatit midis krijuesve, por nuk ka dyshim se platforma do të vazhdojë të jetë një pjesë e rëndësishme e peizazhit të lojrave.