Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pandemia ka patur efekte pozitive për platformën e streaming
Ndërkohë që shkollat janë mbyllur herët, ligat profesionale të sporteve janë ndaluar dhe eventet e mëdha janë anulluar ose shtyrë, lojtarët po i drejtohen esports për të kaluar kohën gjatë pandemisë së COVID-19.
Sipas të dhënave të Twitch të mbledhura nga Esports Charts, shikueshmëria gjatë marsit është dyfishuar në krahasim me të njëjtën periudhë vitin e kaluar. Gjatë javës së kaluar, Twitch pati mesatarisht 2.2 milionë shikues, ndërkohë që shkurti dhe marsi i një viti më parë kishin rreth 1.18 milionë shikues.
Në TwitchTracker, loja më popullore në Twitch vazhdon të mbetet League of Legends, e ndjekur nga Fortnite dhe Grand Theft Auto 5. Faqja raporton se gjatë javës së kaluar, shikuesit kaluan 27,153,539 orë duke ndjekur League of Legends.
Në Itali, ku shkollat dhe vendet e punës janë mbyllur, Telecom Italia raporton se ka patur një rritje me 70% të trafikut, kryesisht falë online gaming.
Ndërkohë që shumë njerëz po kalojnë më shumë kohë në shtëpi se jashtë, Akamai raporton se trafiku i internetit është rritur me 29% në krahasim me mesataren e 60 ditëve të kaluara. Vendet që kanë parë më shumë rritje janë SHBA me 19%, India me 13%, Japonia me 7% dhe Australia me 5%.
