Sezoni i 2 i The Witcher ka vetëm një linjë kohore

Gjithsesi ajo nuk do të jetë edhe aq lineare.

Sezoni i parë i the Witcher ishte çdo gjë që mund të donim nga një adaptim i tiji në TV, por disa shikues mbetën pak të hutuar, pasi historia u nda në linja të ndryshme kohore. Geralt, Yennerfer dhe Ciri e fillojnë historinë në pika të ndryshme të Continent dhe shumica që nuk ishin më parë të rrahur me historinë e Witcher, hasën vështirësi për ta kuptuar këtë.

Kjo gjë do të ndryshojë me The Witcher Season 2. Në fund të sezonit të parë rrugët e treshesh së personazheve u kryqëzuan, duke e thjeshtuar paksa linjën kohore. Drejtuesja e serialit Lauren Hissrich konfirmoi se në sezonin e dytë do të ndiqet një strukturë më tradicionale:

“Ajo çfarë do të shohim në Season 2 është që të gjithë personazhet tanë do të ekzistojnë në të njejtën linjë kohore. Ajo që na lejon të bëjmë kjo gjë është që të luajmë me kohën në disa mënyra të ndryshme. Do të kemi flashbacks, flash-forwards, në fakt do të mund ta integrojmë kohën në një mënyrë që nuk mund ta bënim në sezonin e parë. Siç mund ta imagjinoni ne ishim në tre linja kohore dhe nëse do shtonim flash-forward ose flash-backs do të shkonim diku në 4 deri në 6 linja kohore. Edhe unë e di që kjo është shumë.”

Në fillim të sezonit të parë, Geralt tashmë është 100 vjeç, por kemi mundësinë që të shikojmë momente nga e kaluara, si momentin kur ju dha witchers të tjerë dhe kur takoi mentorin e tij, Vesemir, për herë të parë. Ne dëgjuam vetëm zërin e Vesemir, por ai do të jetë prezent në Season 2, bashkë me disa kolegë të tjerë të Geralt. Gjasat janë që këto personazhe që janë të lidhur shumë me historinë e Geralt do ti takojmë më shpesh gjatë Season 2.

Ende nuk kemi një datë fikse për sezonin e ri. Xhirimet sapo kanë filluar, por me ardhjen e pandemisë këto të fundit u vonuan. Produksioni pritet të fillojë së shpejti gjithsesi. Le të shpresojmë që pritja për sezonin e dytë nuk do të jetë shumë e gjatë.